Read Time:2 Minute, 42 Second
(ފޮޓޯ ކްރެޑިޓްސް: މޯލްޑިވިއަން)
ސަރުކާރުގެ މައިގަނޑު ސިޔާސަތަކީ ރާއްޖޭގެ ރަށްތައް ދަތުރުފަތުރުގެ ވަރުގަދަ ނިޒާމަކުން ގުޅާލުމެވެ. މީގެ ތެރެއިން ސީޕްލޭންގެ ޚިދުމަތް ފުޅާކުރުމަކީ ރަށްރަށުގެ އިޤްތިޞާދު ކުރިއަރުވައި ރައްޔިތުންގެ ދިރިއުޅުމުގެ ފެންވަރު މަތިކުރުމަށް ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ދެއްވާ މުހިންމު އިސްކަމެކެވެ. އެގޮތުން ނ. ވެލިދޫ އާއި އއ. ތޮއްޑޫގައި މިހާރު ވަނީ ސީޕްލޭންގެ ޚިދުމަތް ފަށާފައެވެ. ތޮއްޑޫގައި އަންނަ އަހަރުގެ ފެބްރުވަރީ މަހުން ފެށިގެން ޝެޑިއުލް ދަތުރުތައް ފެށުމަށް ހަމަޖެހިފައިވާއިރު، މީގެ ސަބަބުން ކަނޑުގަދަ މޫސުމުގައި ދަތުރުވެރިންނަށް ދިމާވާ ތަކުލީފުތަކަށް ދާއިމީ ހައްލެއް ލިބިގެންދާނެއެވެ.
ލޯކަލް ޓޫރިޒަމް ފުޅާވަމުން އަންނަ މި ދަނޑިވަޅުގައި ސީޕްލޭންގެ ޚިދުމަތް ތައާރަފުވުމަކީ ގެސްޓްހައުސް ވިޔަފާރިތަކަށް ލިބޭ ބޮޑު ކުރިއެރުމެކެވެ. މީގެ އިތުރުން ބަލިމީހުން އުފުލުމާއި ޒަރޫރީ ބޭނުންތަކަށް ކުރާ ދަތުރުތަކަށް ލުއިފަސޭހަވެ، ރަށުގެ ކުދި އަދި މެދުފަންތީގެ ވިޔަފާރިތައް ކުރިއަރައި ރައްޔިތުން މާލީގޮތުން ބާރުވެރިވުމަށް މަގުފަހިވާނެއެވެ. މޯލްޑިވިއަނުން ދަނީ މި ޚިދުމަތްތައް އިތުރަށް ފުޅާކުރަމުންނެވެ. އެގޮތުން ދާދި ފަހުން ރާއްޖޭގެ ދެކުނުގެ ހަތަރު އަތޮޅު ވައިގެ މަގުން ގުޅާލުމަކީ ބޭސްފަރުވާއާއި ތައުލީމީ ބޭނުންތަކަށް ދަތުރުކުރާ ރައްޔިތުންނަށް ލިބުނު ވަރަށް ބޮޑު ފަސޭހައެކެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0