Read Time:2 Minute, 18 Second
(ފޮޓޯ ކްރެޑިޓްސް: ޕީއެސްއެމް ނިއުސް)
ކުޅިވަރާއި ހަށިހެޔޮކަމާބެހޭ ވަޒީރު ޢަބްދުﷲ ރާފިޢު ވިދާޅުވީ، ރާއްޖޭގެ ފުޓްބޯޅަ އޮތް ދަށް ހާލަތުން އަރައިގަނެ، އެކުޅިވަރަށް އަލުން ފޯރި ގެނެވޭނެތޯ ގިނަ ބަޔަކު ސަރުކާރާ ސުވާލުކުރި ކަމަށެވެ. ރައީސުލްޖުމްހޫރިއްޔާ ޑރ. މުޙަންމަދު މުޢިއްޒުގެ ވަޢުދުފުޅާ އެއްގޮތަށް، ފުޓްބޯޅައިގެ ހާލަތު ރަނގަޅުކުރަން ގިނަ މަސައްކަތްތަކެއް ކުރެވުނު ކަމަށާއި، މިހާރު ފުޓްބޯޅައަށް މަޑުމަޑުން ދިރުން އަންނަމުންދާ ކަމަށް ގަބޫލުކުރައްވާ ކަމަށް ވަޒީރު ވިދާޅުވިއެވެ.
ފުޓްބޯޅަ އަލުން އިޔާދަކުރުމަށްޓަކައި، ކުލަބުތަކާއި ފީފާއާ މަޝްވަރާކޮށް، އިހުގެ ފުޓްބޯޅަ ލެޖެންޑުންގެ އެހީތެރިކަން ވެސް ލިބިފައިވާކަން އޭނާ ފާހަގަކުރެއްވިއެވެ. މި މަސައްކަތުގައި ރައީސް މުޢިއްޒުގެ ބޮޑު އެއްބާރުލުން ލިބުނު ކަމަށާއި، ފީފާގެ އެހީގައި ނޯމަލައިޒޭޝަން ކޮމިޓީއެއް އުފައްދާ، އިޞްލާޙުތައް ގެނެސް، އެފްއޭއެމްގެ އިންތިޚާބު ކާމިޔާބުކަމާއެކު ބޭއްވުނުކަން ވަޒީރު ފާހަގަކުރެއްވިއެވެ. މިހާރު އެފްއޭއެމްގެ އައު ހިންގާ ކޮމިޓީއާއެކު މާލެއާއި އަތޮޅުތެރޭގައި މުބާރާތްތައް އަލުން ބާއްވަމުންދާއިރު، ގާތްގަނޑަކަށް ދިހަ އަހަރަށްފަހު އަންހެނުންގެ ލީގުވެސް ވަނީ ފަށާފައެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0