Read Time:2 Minute, 48 Second
(ފޮޓޯ ކްރެޑިޓްސް: ހެލްތް މިނިސްޓްރީ)
ސިއްޙީ ވަޒީރު ޢަބްދުﷲ ނާޘިމް އިބްރާހީމް ވިދާޅުވެފައިވަނީ، ބިދޭސީންގެ ސިއްޙީ މައްސަލަތަކަށް މިއަދު މަސައްކަތް ނުކޮށްފިނަމަ އާންމު ސިއްޙަތުގެ ދާއިރާއަށް ދަތި ގޮންޖެހުންތަކެއް ކުރިމަތިވެދާނެ ކަމަށެވެ. އެހެންކަމުން ބިދޭސީންނަށް ފުރިހަމަ ސިއްޙީ ފަރުވާ ލިބިދިނުމަށް ކުރާ މަސައްކަތް ކާމިޔާބުކުރުމަށް ހުރިހާ މުވައްސަސާއެއްގެ ބައިވެރިވުމަށް ވަޒީރުވަނީ އެދިވަޑައިގެންފައެވެ. މިކަން މިގޮތަށް ހާމަކުރެއްވީ، ހެލްތު ޕްރޮޓެކްޝަން އޭޖެންސީ (އެޗް.ޕީ.އޭ) އާއި ޤައުމީ ޔުނިވަރސިޓީ ގުޅިގެން ކުރިއަށްގެންދާ “އާންމު ސިއްޙަތުގެ ހެލްތު ކޮންފަރެންސް” އިފްތިތާޙުކޮށްދެއްވަމުންނެވެ.
ވަޒީރު ފާހަގަކުރެއްވި ގޮތުގައި، ރާއްޖޭގައި ދިރިއުޅޭ ކޮންމެ ހަތަރު މީހަކުން އެކަކީ ބިދޭސީއެއްކަމަށާއި، ރާއްޖޭގައި ނެތް ނުވަތަ ނައްތާލެވިފައިވާ ބަލިތައް ބިދޭސީން އަންނަ ގައުމުތަކުގައި އުޅޭތީ، އެމީހުންގެ ސިއްޙަތު ރަނގަޅުކުރުން މުޅި ޤައުމުގެ ސިއްޙަތަށް މުހިންމު ކަމަށެވެ. މި ކޮންފަރެންސްގައި ބިދޭސީންގެ ސިއްޙަތާ ބެހޭ ޤައުމީ ސިޔާސަތު ތަންފީޒުކުރުމާއި، އެމީހުންނަށް ސިއްޙީ ފަރުވާ ފޯރުކޮށްދިނުމަށް ހުރި ހުރަސްތަކާއި، މިކަމަށް ލިބިގެންދާނެ ހައްލުތަކާ ގުޅޭގޮތުން މަޝްވަރާކުރުމަށް ވަނީ ހަމަޖެހިފައެވެ. މިކަންކަމުގައި ބިދޭސީންގެ ކަންކަމުގައި ހަރަކާތްތެރިވާ ޖަމިއްޔާ ޖަމާއަތްތަކާއި، ސަރުކާރުގެ މުވައްސަސާތަކުން ބައިވެރިވާނެއެވެ. މިއީ މިކޮންފަރެންސް ބާއްވާ ދެވަނަ ފަހަރެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0