Read Time:3 Minute, 4 Second
(ފޮޓޯ ކްރެޑިޓްސް: ޕީއެސްއެމް ނިއުސް)
ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ވިދާޅުވީ، މާލޭގައި ޒަމާނީ ފެންވަރުގެ އައު މަސްމާރުކޭޓެއް އެޅުމުގެ މަސައްކަތް ޖަޕާން ސަރުކާރުގެ ހިލޭ އެހީގައި ކޮށްދޭން ހަމަޖެހިފައިވާ ކަމަށެވެ. މޭޔަރުކަމުގައި ހުންނެވި އިރު މި މަސައްކަތް ފެށުނު ނަމަވެސް އެކި ސަބަބުތަކާ ހުރެ ހުއްޓިފައިވާ ކަމަށް ރައީސް ވިދާޅުވިއެވެ. މި އައު މާރުކޭޓަކީ މަސްމާރުކޭޓާއި ތަރުކާރީ މާރުކޭޓު ހިމެނޭ، ޒަމާނީ ފެންވަރަށް ތަރައްޤީކުރާ މިކްސްޑް ޔޫސް އިމާރާތެކެވެ. މަސައްކަތް ފެށުމަށް ޖަޕާނުގެ ފަންނީ ޓީމެއް ވަރަށް އަވަހަށް ރާއްޖެ އަންނާނެ ކަމަށާއި، މިހާރުގެ ލޯކަލް މާރުކޭޓު ހުރި ބިމުގައި، ކުރިން ޕްލޭންކުރެވިފައިވާ ގޮތަށް މި މަޝްރޫޢު ހިންގާނެ ކަމަށް ރައީސް ވިދާޅުވިއެވެ.
(ފޮޓޯ ކްރެޑިޓްސް: ޕީއެސްއެމް ނިއުސް)
މީގެ އިތުރުން، މިހާރުގެ މަސްމާރުކޭޓު ހުރި ތަނުގައި މަސްވެރިކަމުގެ ސިނާއަތުގައި އުޅޭ ކުންފުނިތަކަށް އޮފީސް ޖާގަ ދެވޭނެ ގޮތަށް އިމާރާތެއް އަޅަންވެސް ރާވަމުންދާ ކަމަށެވެ. އައު މާރުކޭޓުގެ މަސައްކަތް ފެށުމަށްޓަކައި ލޯކަލް މާރުކޭޓާއި ދަތުރުވެރިންގެ މާރުކޭޓު އަދި ވަޅޯމަސް މާރުކޭޓު ވަގުތީގޮތުން އެހެން ސަރަޙައްދަކަށް ބަދަލުކުރުމަށް ވަގުތީ ބިންތަކެއް ހަމަޖައްސާފައިވާ ކަމަށް ސަރުކާރުން ވަނީ ހާމަކުރައްވާފައެވެ. ސަރުކާރުން ބުނެފައިވާ ގޮތުގައި މާލޭ މަސްމާރުކޭޓު ތަރައްޤީކުރާނީ 7 ފަންގިފިލާއަށް ކަމަށާއި، މި މަޝްރޫޢުން މިހާރު ކުރިމަތިވެފައިވާ ޖާގައިގެ ދަތިކަން ހައްލުވެ، މާލޭގެ މާރުކޭޓު ޚިދުމަތް އެއްފުރާޅެއްގެ ދަށަށް ގެނައުމުގެ ރައީސް މުޢިއްޒުގެ ތަސައްވުރު ޙަޤީޤަތަކަށް ވާނެއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0