Read Time:2 Minute, 59 Second
(ފޮޓޯ ކްރެޑިޓްސް: ޕީއެސްއެމް ނިއުސް)
ސިޓީތަކާއި އިދާރީ ދާއިރާތައް ހިންގުމާ އާންމު މަސައްކަތްތަކާ ބެހޭ ވަޒީރު ޢާދަމް ޝަރީފް ޢުމަރު ވިދާޅުވީ، ކޮންޓްރެކްޓަރ ފައިނޭންސް އުޞޫލުން ޢިމާރާތްކުރަމުންދާ 55 ކައުންސިލް އިދާރާގެ މަސައްކަތްތައް އަންނަ އަހަރުގެ ޖޫން މަހުގެ ނިޔަލަށް ނިންމާ، ކައުންސިލްތަކާ ތަޅުދަނޑި ހަވާލުކުރެވޭނެ ކަމަށެވެ. މި މަސައްކަތްތައް މިހާރުވެސް ބާރަށް ކުރިއަށްދާ ކަމަށް ވަޒީރު ފާހަގަކުރެއްވިއެވެ.
HEP Dr Muizzu @MMuizzu ge sarukaarun, Contractor Finance usoolun Council idhaaraathah imaaraaiy kurumah hingaa mashroou (55 councils project) ge masakkaiy baarah kuriah. June ge niyalah mulhi mashroou nimmai, council thakah thalhudhandi havaalu kureveyne. IA@presidencymv… pic.twitter.com/EVp0gMl9q8
— Adam Shareef Umar (@Adamshareefz) December 7, 2025
ރައީސް މުޢިއްޒުގެ ސަރުކާރުން ޖުމްލަ 105 ކައުންސިލް އިދާރާގެ އާ ޢިމާރާތް އެޅުމަށް ވަނީ ހަމަޖެހިފައެވެ. މީގެ ތެރެއިން 55 ކައުންސިލް އިދާރާގެ މަސައްކަތް ކުރިއަށް ގެންދަނީ އާރުސީސީއާ ޙަވާލުކޮށްގެންނެވެ. އަދި ބާކީ 50 ކައުންސިލް އިދާރާ ތަރައްޤީކުރަނީ ޗައިނާ ސަރުކާރުގެ ހިލޭ އެހީގެ ދަށުންނެވެ. ޗައިނާގެ އެހީގައި ތަރައްޤީކުރާ މި ޢިމާރާތްތަކަކީ ޕްރީ-ފެބްރިކޭޓެޑް އިމާރާތްތަކެއް ކަމަށާއި، މި މަސައްކަތް އަންނަ އަހަރުގެ ކުރީ ކޮޅު ފެށުމަށް ވަނީ ހަމަޖެހިފައެވެ. މި މަޝްރޫޢަށް ފަންޑުކުރަނީ ޗައިނާ އިންޓަރނޭޝަނަލް ޑިވެލޮޕްމަންޓް ކޯޕަރޭޝަން އޭޖެންސީ (ސިޑްކާ) އިންނެވެ. މިހާރު ހުރި ކައުންސިލް އިދާރާތަކަކީ ބާވެ، ޖާގައިގެ ގޮތުން ކުޑަ ތަންތަން ކަމުން، އައު އިމާރާތްތަކަކީ ތަނަވަސް ޖާގަ ހުންނާނެ ތަންތަން ކަމަށް ވުޒާރާއިން ބުނެއެވެ. ސަރުކާރުގެ އަމާޒަކީ އަންނަ އަހަރު ނިމޭއިރު %75 ކައުންސިލް އިމާރާތްތަކުގެ މަސައްކަތް ނިންމައި، ޚިދުމަތްތައް ބަދަލުކުރުމެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0