Read Time:2 Minute, 49 Second
އަންނަ އަހަރު ބާއްވާ ލޯކަލް ކައުންސިލް އިންތިޚާބަށް 7،000 އޮފިޝަލުން ބޭނުންވާއިރު، މިހާތަނަށް 3،000 މީހުން ވަނީ ކުރިމަތިލާފައެވެ. މިދިޔަ މަހުގެ 18 ގައި އޮފިޝަލް ކަމަށް ކުރިމަތިލުމުގެ ފުރުޞަތު ހުޅުވާލާފައިވާއިރު، މިމަހުގެ 21 ވަނަ ދުވަހަށް އެ މުއްދަތު ހަމަވާނެއެވެ. އިލެކްޝަންސް ކޮމިޝަންގެ ޓްރެއިނަރ ފާތިމަތު ޒުހުދާ ވިދާޅުވީ، އޮފިޝަލް ކަމަށް ކުރިމަތިލުމަށް ގިނަ ބަޔަކު ޝައުޤުވެރިކަން ދައްކާފައިވީ ނަމަވެސް، މައި ޕޯޓަލް މެދުވެރިކޮށް ކުރިމަތިލުމުގައި ދަތިތަކެއް ހުރިކަން ފާހަގަވާ ކަމަށެވެ. އެފަދަ ދަތިތައް ދިމާވާ ފަރާތްތަކުން 1414 އަށް ގުޅުމުން އެހީތެރިކަން ލިބޭނެއެވެ. އޮފިޝަލުން ތަމްރީން ކުރާނެ ޓްރެއިނަރުން ހޯދުމުގެ މަސައްކަތްވެސް މިހާރު ކުރިއަށްދާ ކަމަށާއި، ޓްރެއިނަރުންނާއި އޮފިޝަލުން ތަމްރީން ކުރުމުގެ މަސައްކަތް އަންނަ ޖެނުއަރީ މަހުން ފެށިގެން ރޯދަ މަސް އައުމުގެ ކުރިން ފެށުމަށް ވަނީ ހަމަޖެހިފައެވެ. އުމުރުން 18 އަހަރުވެފައިވާ، ސިޔާސީ ޕާޓީއެއްގެ އިސް މަޤާމެއް އަދާނުކުރާ ކޮންމެ މީހަކަށް އޮފިޝަލަކަށް ވެވޭނެއެވެ.
އޮފިޝަލުންނަށް އުޖޫރައާއި، ކެއުމާއި ސައިގެ އެލަވަންސް އަދި އިތުރު ގަޑީ ފައިސާ ދިނުމަށް ނިންމާފައިވާއިރު، ވޯޓުލާ މަރުކަޒުގެ ވެރިޔާއަށް 2900 ރުފިޔާ، ވެރިޔާގެ އެހީތެރިންނަށް 2600 ރުފިޔާ، އާދައިގެ އޮފިޝަލުންނަށް 2300 ރުފިޔާ، ގުނާ އޮފިޝަލުންނަށް 1800 ރުފިޔާ އަދި ރިޒަރވް އޮފިޝަލުންނަށް 1000 ރުފިޔާ ލިބޭނެއެވެ. ލޯކަލް ކައުންސިލް އިންތިޚާބު އޮންނާނީ އޭޕްރީލް މަހުގެ 4 ވަނަ ދުވަހުއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0