Read Time:3 Minute, 20 Second
(ފޮޓޯ ކްރެޑިޓްސް: ޕީއެސްއެމް ނިއުސް)
އިސްލާމީ ކަންތައްތަކާ ބެހޭ ވަޒީރު ޑރ. މުޙައްމަދު ޝަހީމް ޢަލީ ސަޢީދު ވިދާޅުވީ، ރާއްޖޭގެ ފަޤީރުންނާއި މިސްކީނުންގެ ދަފްތަރުގައި ހިމެނޭ ފަރާތްތަކަށް ޚާއްސަކޮށް، އަންނަ މަހު “ޒަކާތު ބެނެފެޝިއަރީ ކާޑެއް” ތަޢާރަފު ކުރުމަށް މަސައްކަތް ކުރަމުންދާ ކަމަށެވެ. މި ކާޑު އުފެއްދުމުގެ މައިގަނޑު މަޤުސަދަކީ، ރައީސުލްޖުމްހޫރިއްޔާ ޑރ. މުހައްމަދު މުއިއްޒު އުފައްދަވާފައިވާ ޒަކާތު ހައުސްގެ އެންމެ މުހިންމު އެއް މަސްއޫލިއްޔަތު ކަމަށްވާ، ފަޤީރުން ތަނަވަސް ހާލަތަކަށް ގެނައުމަށް އެހީތެރިވުމެވެ.
މި ކާޑަކީ ފަޤީރުންގެ ދަފްތަރުގައި ހިމެނޭ ފަރާތްތަކަށް ޚިދުމަތް ދިނުމުގެ ނިޒާމު ޒަމާނީކޮށް، ފަސޭހަކޮށްލުމަށް އެޅޭ ފިޔަވަޅެކެވެ. މި ކާޑުން އޭނާއަކީ ފަޤީރުންގެ ދަފްތަރުގައި ހިމެނޭ މީހެއްކަން ދެނެގަނެވޭނެއެވެ. ޒަކާތު ހައުސްއިން ދޭ އެހީތައް، މިސާލަކަށް ރަމަޟާން މަހު ކާބޯތަކެތި ގަތުމަށް ކަނޑައަޅާފައިވާ ފައިސާ، މި ކާޑު މެދުވެރިކޮށް ކަނޑައެޅިފައިވާ ފިހާރަތަކުން ބޭނުންކުރެވޭނެއެވެ. ޒަކާތު ހައުސްއާއި ބޭންކް އޮފް މޯލްޑިވްސް ގުޅިގެން ތަޢާރަފްކުރާ މި ކާޑު އަންނަ ޖަނަވަރީ މަހު އިފްތިތާޚު ކުރުމަށް މަސައްކަތް ކުރަމުންދާ ކަމަށް ވަޒީރު ޑރ. ޝަހީމް ވިދާޅުވިއެވެ.
މި ނިޒާމުގެ ސަބަބުން ފަޤީރުން އޮފީސްތަކަށް ހިނގަންޖެހޭ މިންވަރު މަދުވެ، ޚިދުމަތްތައް ފަސޭހައިން ލިބިގެންދާނެއެވެ. އަދި މި ކާޑުން އާސަންދަ ސްކީމުގެ ދަށުން ކަވަރ ނުކުރާ ސިއްޙީ ޚަރަދުތައް ޒަކާތު ފަންޑުން ކަވަރ ކޮށްދިނުމުގެ ފުރުސަތު ލިބި، ބޯހިޔާވަހިކަމާއި ތަޢުލީމާ ގުޅުންހުރި އެހީތައްވެސް ފޯރުކޮށްދެވޭނެއެވެ. ޒަކާތު ހައުސްއިން ފާހަގަކުރާ ގޮތުގައި، މި ކާޑަކީ ފަޤީރުންނާއި މިސްކީނުންގެ ދިރިއުޅުމަށް ހެޔޮ ބަދަލުތަކެއް ގެނައުމަށް އެޅުނު މުހިންމު ބިންގަލެކެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0