Read Time:2 Minute, 26 Second
(ފޮޓޯ ކްރެޑިޓްސް: ޕީއެސްއެމް ނިއުސް)
މާލެ ޒޯންގައި ރަޖިސްޓްރީކޮށްފައިވާ 4 ފުރޮޅުލީ އުޅަނދުތަކަށް ޚާއްސަ ވަގުތީ ޕާކިންގއެއް ހުޅުމާލެ ފޭސް 2 ގެ އޮޅުހިޔާއާ ޖެހިގެން އާންމުންނަށް ހުޅުވާލައިފިއެވެ. މިތަން ތަރައްޤީކޮށްފައިވަނީ ދަތުރުފަތުރާއި މަދަނީ އުދުހުންތަކާއި ބެހޭ ވުޒާރާއާއި ހައުސިންގ ޑިވެލޮޕްމަންޓް ކޯޕަރޭޝަން ގުޅިގެންނެވެ. މި ޕާކިންގ ޒޯން ހުޅުވުމުގެ ރަސްމިއްޔާތު ޝަރަފްވެރިކޮށްދެއްވައި ވާހަކަ ދައްކަވަމުން ވަޒީރު މުޙައްމަދު އަމީން ވިދާޅުވީ، މާލޭގައި ދިމާވެފައިވާ ޕާކިންގ މައްސަލައަށް ވަގުތީ ހައްލެއް ހޯދުމަށް މި މަސައްކަތް ކުރެވެނީ، ޕާކިންގ ބިލްޑިންގތައް އަޅައި ދާއިމީ ހައްލެއް ލިބެންދެން ކަމަށެވެ. އަދި އާންމުން މި ސަރަހައްދުގައި ޕާކުކުރުމަށް އެދިވަޑައިގަތެވެ. އެޗްޑީސީގެ މެނޭޖިންގ ޑިރެކްޓަރ ޢަލީ ޒުހައިރު ވެސް ވިދާޅުވީ، ޕާކިންގ މައްސަލައަށް ހައްލެއް ހޯދުމަށް ޕާކިންގ ބިލްޑިންގތައް އެޅުމުގެ މަސައްކަތް ކުރިއަށްދާ ކަމަށެވެ.
(ފޮޓޯ ކްރެޑިޓްސް: ޕީއެސްއެމް ނިއުސް)
މި އައު ޕާކިންގ ސަރަހައްދުގައި 1200 އަށްވުރެ ގިނަ 4 ފުރޮޅުލީ އުޅަނދު ޕާކު ކުރެވޭނެއެވެ. މީގެކުރިން ހުޅުމާލޭގައި ހަދާފައިވާ ޕާކިންގ ސަރަހައްދުތަކާއިއެކު، މިހާރު ޖުމްލަ 2500 އުޅަނދު ޕާކު ކުރެވޭނެ ޖާގަ ވަނީ ތަނަވަސްކޮށްދީފައެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0