Read Time:2 Minute, 57 Second
(ފޮޓޯ ކްރެޑިޓްސް: ޝޯޝަލް މީޑިއާ)
ފަލަސްޠީނުގައި ހިނގަމުންދާ ޤަތުލުޢާންމާ ގުޅިގެން ޔަހޫދީންނާ މެދު ފިޔަވަޅު ނޭޅުމަކީ ބައިނަލްއަޤުވާމީ ޤާނޫނުތައް ނުނެގެހެއްޓޭކަމުގެ ހެއްކެއް ކަމަށް ޚާރިޖީ ވަޒީރު ޑރ. ޢަބްދުﷲ ޚަލީލް ވިދާޅުވެއްޖެއެވެ. ވަޒީރު މިހެން ވިދާޅުވީ ދޯހާ ފޯރަމް 2025 ގެ ރައުންޑް ޓޭބަލް ބައްދަލުވުމެއްގައި ވާހަކަފުޅުދައްކަވަމުންނެވެ. މި ބައްދަލުވުން ބޭއްވީ ބައިނަލްއަޤުވާމީ ޤާނޫނާއި އިންސާފުގެ ނިޒާމު ނެގެހެއްޓުމުގެ މުހިންމުކަމުގެ ދަށުންނެވެ. ޑރ. ޚަލީލް ފާހަގަކުރެއްވީ ކޮންމެ ޤައުމެއްގެ މައްޗަށް ވެސް އިންސާފު ނެގެހެއްޓެންޖެހޭ ކަމަށާއި، މިހާރު މިއީ ޔަހޫދީން އިންސާފުގެ ކުރިމައްޗަށް ގެނެސް، ފަލަސްޠީނުގެ ނިކަމެތި ރައްޔިތުންގެ ޙައްޤުތައް ހިމާޔަތްކުރުމަށްޓަކައި ޤައުމުތައް ގުޅިގެން މަސައްކަތްކުރަންވީ ވަގުތު ކަމަށެވެ.
ފަލަސްޠީނުގެ މައްސަލައަށް ހައްލެއް ނުލިބި، އިންސާފު ލަސްވުމަކީ ބައިނަލްއަޤުވާމީ ޤާނޫނު ނެގެހެއްޓުމަށް ނުކުޅެދޭކަން ދައްކުވައިދޭ ކަމެއްކަމަށް ވަޒީރު ވިދާޅުވިއެވެ. ރާއްޖެއިން ޑިޕްލޮމަސީގެ އުޞޫލުތައް ދެމެހެއްޓުމަށާއި، ބައިނަލްއަޤުވާމީ އިންސާފު ޤާއިމުކުރުމުގައި ނަޒާހަތްތެރިކަން ކަށަވަރުކުރުމަށް ދެމިއޮންނާނެ ކަމަށާއި، ހަމަހަމަކަމާއެކު ކޮންމެ ޤައުމެއްގެ މައްޗަށް ވެސް އިންސާފު ޤާއިމުކުރުމަށް މަޝްވަރާކޮށް ގުޅިގެން މަސައްކަތްކުރުން މުހިންމުކަމަށް އޭނާ އިތުރަށް ވިދާޅުވިއެވެ. ޤަތަރުގެ ދޯހާގައި ކުރިއަށްދާ މި ފޯރަމަކީ ދުނިޔޭގެ އެކި ލީޑަރުން އެއްވެ ގްލޯބަލް މައްސަލަތަކާ މެދު މަޝްވަރާކުރާ މަންސައެކެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0