Read Time:3 Minute, 12 Second
(ފޮޓޯ ކްރެޑިޓްސް: ޕީއެސްއެމް ނިއުސް)
ދާޚިލީ ސަލާމަތާއި ފަންނިޔާތާއި ބެހޭ ވަޒީރު އަލީ އިޙްސާން ވިދާޅުވީ ތާރީޚުގައިވެސް ރާއްޖޭގައި އެންމެ ގިނަ އަދަދަކަށް މަސްތުވާތަކެތި ހިފަހައްޓާފައިވަނީ ފާއިތުވި ދެ އަހަރުގެ ތެރޭގައި ކަމަށާއި، އެތަކެތީގެ މަގުމަތީ އަގު 2.2 ބިލިޔަން ރުފިޔާއަށް އަރާކަމަށެވެ. މިއީ ރައީސް ޑރ. މުޙައްމަދު މުއިއްޒުގެ އިރުޝާދާއެކު މަސްތުވާތަކެތީގެ ވަބާއިން ޤައުމު ސަލާމަތްކުރަން ކުރާ މަސައްކަތުގެ ބޮޑު ކާމިޔާބީއެއް ކަމަށް ވަޒީރު ފާހަގަކުރެއްވިއެވެ. މި މަސައްކަތް ކުރެވެމުންދަނީ ފުލުހުންނާއި ކަސްޓަމްސްގެ ބުރަ މަސައްކަތުންނެވެ.
މަސްތުވާތަކެތީގެ ވިޔަފާރިކުރާ ފަރާތްތަކަށް އިސްލާމީ ޝަރީޢަތުގައި ދެވެން އޮތް އެންމެ ބޮޑު އަދަބު ދެވޭނެ ގޮތަކަށް ޤާނޫނު އިސްލާހުކުރުމަށް ރައީސުލްޖުމްހޫރިއްޔާ ނިންމަވާފައިވާކަން ވަޒީރު ފާހަގަކުރެއްވިއެވެ. ކުރީގެ ސަރުކާރުތަކުން މަސްތުވާތަކެއްޗާ ދެކޮޅަށް މަސައްކަތް ކުރިކަމަށް ބުނެވުނަސް، ހަޤީޤީ ނަތީޖާއެއް ނެރެދެމުން މިދަނީ މި ސަރުކާރުން ކަމަށް އޭނާ ވިދާޅުވިއެވެ.
މީގެ އިތުރުން، ވެރިކަމާ ހަވާލުވިއިރު މަސްތުވާތަކެތީގެ ފަރުވާ ނުފެށި ތިބި 700އަށްވުރެ ގިނަ މީހުންނަށް ދެ އަހަރުގެ ތެރޭގައި ފަރުވާދީ ނިންމާފައިވާ ކަމަށާއި، މަގުމަތީގައި އުޅުނު 350 އެއްހާ މީހުންނަށް ރިމާންޑް ސެންޓަރުތައް މެދުވެރިކޮށް ފަރުވާ ދެމުންދާކަން ވަޒީރު ފާހަގަކުރެއްވިއެވެ. ކ. ކާށިދޫ، ނ. ވެލިދޫ، އަދި ލ. ގަމުގައި ރިހެބިލިޓޭޝަން ސެންޓަރުތައް ޤާއިމުކުރުމުގެ މަސައްކަތް މިހާރުވެސް ދަނީ ކުރިއަށެވެ. މަސްތުވާތަކެތީގެ މައްސަލަ ހައްލުކުރުމުގައި ސަރުކާރުން އެންމެ އިސްކަންދެނީ ވިޔަފާރިތައް ހުއްޓުވުމާއި، ބަލިމީހުންނަށް ފަރުވާ ދިނުމަށެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0