Read Time:4 Minute, 42 Second
މިފަހަރު އަޟުހާ އީދު ރާއްޖޭގެ އެކި ކަންކޮޅުތަކުގައި ކުލަގަދަކޮށް ފާހަގަކުރަމުންދާއިރު، އީދު ކުޅިވަރުތައް ބައްލަވައިލެއްވުމަށް ރާއްޖޭގެ މަޝްހޫރު ވިޔަފާރިވެރިޔާ މުހައްމަދު މޫސާ (އުއްޗު) ބ. ކަމަދޫއަށް ޒިޔާރަތްކުރައްވައިފިއެވެ. މީސްމީޑިއާގައި ދައުުރުވަމުންދާ ވީޑިއޯގައި ފެނިގެންދަނީ އުއްޗު ކަމަދޫއަށް ވަޑައިގަތުމުން އޭނާއަށް ބ. ކަމަދޫއިން ހޫނު މަރުހަބާއެއް ކިޔަމުންދާ މަންޒަރެވެ. ބ. ކަމަދޫއަކީ އަބަދުވެސް މެހެމާންދާރީގައި ކުރީ ސަފުގައި އޮންނަ ރަށެކެވެ. ވަކިން ހާއްސަކޮށް އީދަށް އެރަށަށް ޒިޔާރަތްކުރާ މީހުންނަށް ކައުންސިލާއި ރައްޔިތުން ގުޅިގެން ހޫނު މަރުހަބާއެއް އަބަދުވެސް ކިޔައެވެ. ބ. ކަމަދޫއަކީ ސަގާފީ ގިނަ ކުޅިވަރުތަކާއި ދިވެހި ރީތި އާދަކާދަތައް އީދުގެ ހަރަކާތްތަކުުގައި ފެނިގެންދާ ރަށެކެވެ.
ޗަމްޕާ އުއްޗު ކަމަދޫއަށް ވަޑައިގެންނެވުމުން ދަހޯކްސް ކުންފުނީގެ ޗެއާރމަން އަޙްމަދު ރަޝީދު ޗަމްޕާ މުޙައްމަދު މޫސާ އަދި އެބޭފުޅާގެ އާއިލާއަށް ވަރަށް ޙޫނު މަރުޙަބާއެއް ދެއްނެވިއެވެ.
އިއްޔެ ހަވީރު ބ. ކަމަދޫގައި ބޭއްވި އީދު ކުޅިވަރުތަކަކީ ލަނގިރި، އަންހެނުންގެ ބިލެތްދަފި އަދި އަންހެނުންގެ އިތުރު އިވެންޓެކެވެ. މި ކުޅިވަރުތައް ބައްލަވައިލެއްވުމަށް އުއްޗުއާއެކީ އާއިލާގެ ބޭފުޅުން ކަމަދޫއަށް ވަޑައިގެންނެވިއެވެ. އަދި މިފަހަރުވެސް ބ. ކަމަދޫގެ ކުޅިވަރު ގްރޫޕަށް ކުރެއްދޫ ރިސޯޓަށް އައުމަށްވަނީ އުއްޗު ދައުވަތު އަރުވާފައެވެ. މަޝްހޫރު ވިޔަފާރިވެރިޔާ ޗަމްޕާ މުޙައްމަދު މޫސާއަކީ ވިޔަފާރި ދާއިރާގައި ޤައުމަށް ފައިދާ ހުރި ގިނަ ވިޔަފާރިތަކަކަށް އިންވެސްޓްމަންޓް ކުރަމުންދާ އަދި އިޖްތިމާޢީ ކަންތައްތައް ކުރިއެރުވުމަށްޓަކައި އެކި ގޮތްގޮތުން އެބޭފުޅާގެ އެހީތެރިކަން ދަނީ ފޯރުކޮށް ދެއްވަމުންނެވެ.
އީދު ކުޅިވަރުތައް ބަލާލުމަށް މި އީދުގައި ވެސް ކަމަދޫ ގިނަ އަދަދެއްގެ މެހެމާނުން ވަނީ އެރަށަށް ޒިޔާރަތްކޮށްފައެވެ. މިދިޔަ އަހަރު އަޟުހާ އީދު ވެސް ބ. ކަމަދޫގައި ކުލަގަދަކޮށް ފާހަގަކޮށްފައިވާއިރު، އެކުޅިވަރު ހަރަކާތްތައް މުޅި ރާއްޖޭގައި ފާހަގަކުރެވިގެންދިޔައެވެ. އަދި ކަމަދޫއަކީ ސަގާފީ ކުޅިވަރުތަކަށް ހާއްސަ ކުދި ބޮޑު އެންމެން އީދުގައި ބައިވެރިވެ މެހެމާނުން އުފާކުރުމުގައި ނަމޫނާ ރަށެކެވެ. އެންމެ ފަހުން ފާހަގަކުރި އަޟުހާ އީދުގައި ކަމަދޫއަށް ޒިޔާރަތްކުރި މެހެމާނުން ވެސް އީދު ނިމުމުން ވެސް އެރަށުން އަންނަ ހިތެއް ނުވާ ކަމަށާއި ފުރައިގެން ދާން ޖެހުނީ ކަމަދޫއަށް ހިތް ދޫކޮށްލާފައި ކަމަށް ވަނީ މީސްމީޑިއާގައި ޟުއޫރުތައް ފާޅުކޮށްފައެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0