Read Time:2 Minute, 37 Second
(ފޮޓޯ ކްރެޑިޓްސް: ޕީއެސްއެމް ނިއުސް)
ތަށި ގެނައުމުގެ އަޒުމުގައި 19 އަހަރުން ދަށުގެ ޤައުމީ ޓީމު ސާފް ޗެމްޕިއަންޝިޕަށް އިންޑިއާއަށް ފުރައިފިއެވެ. މުބާރާތައް ޓީމު ތައްޔާރުވެފައިވާ މިންވަރާއި ގުޅޭ ގޮތުން ޕީއެސްއެމް ނިއުސްއާއި މައުލޫމާތު ހިއްސާކުރަމުން 19 އަހަރުން ދަށުގެ ޤައުމީ ޓީމުގެ އެސިސްޓެންޓް ކޯޗު އަހުމަދު ސައީދު (ކަކާ) ބުނީ މިދިޔަ އަހަރުގެ މުބާރާތުން ގުރޫޕު ސްޓޭޖުން ކެޓިނަމަވެސް މިފަހަރު މިދަނީ ވަރަށް އުންމީދުގައި ކަމަށާއި، ޓީމާމެދު ފުރިހަމައަށް އިތުބާރު އެބައޮތް ކަމަށެވެ.
އަދި މިވަގުތު ރާއްޖޭގެ ފުޓްބޯޅަ އޮތް ހާލަތަށް ބަލާއިރު ޓީމުގެ ފަރިތަކުރުންތަކާމެދު ވަރަށް ބޮޑަށް ހިތްހަމަ ޖެހޭ ކަމަށާއި، އުންމީދު ކުރަނީ ރަނގަޅު ނަތީޖާއެއް މި މުބާރާތުން ހޯދޭނެ ކަމަށް ކަކާ ބުންޏެވެ. 19 އަހަރުން ދަށުގެ ގައުމީ ޓީމު ސާފް ޗެމްޕިއަންޝިޕްގައި އެންމެ ފުރަތަމަ ބައްދަލުކުރާނީ މިމަހުގެ ނުވަވަނަ ދުވަހު ބަނގްލަދޭޝް އާއި ދެކޮޅަށެވެ. ޓީމުގެ ކުޅުންތެރިން ބުނީ މި މުބާރާތަށް މިދަނީ ވަރަށް ރަނގަޅަށް އިދިކޮޅު ޓީމުތަކުގެ ކުޅުން އެނަލައިޒްކޮށް ކޯޗުން ދިން އިރުޝާދުތަކުގެ އަލީގައި ރާއްޖެއަށް ތަށި ގެނައުމުގެ އަމުޒުގައި ކަމަށެވެ.
19 އަހަރުންދަށުގެ ޤައުމީ ޓީމުގެ ކޯޗަކަށް ހަމައްޖާފައިވަނީ އަހުމަދު ޝާކިރު (ޝާކިއްޓެ) އެވެ. މި ޓީމުން އަންނަނީ އޭޕްރީލް މަހުގެ 1 ވަނަ ދުވަހުން ފެށިގެން މުބާރާތަށް ފަރިތަކުރަމުންނެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0