Read Time:2 Minute, 22 Second
(ފޮޓޯ ކްރެޑިޓްސް: ވަގުތު)
ރައްޔިތުންގެ މަޖިލީހުގެ ރައީސް އަދި ޕީއެންސީގެ ޗެއާޕާސަން އަބްދުއްރަހީމް އަބްދުﷲ އާ އެއްވެސް މައްސަލައެއް ނެތް ކަމަށް ރައީސް ޑރ. މުހައްމަދު މުއިއްޒު ވިދާޅުވެއްޖެއެވެ. ރައީސް އޮފީހުގައި ކުރިއަށް ދިޔަ ނޫސްވެރިންގެ ބައްދަލުވުމުގައި ނޫސްވެރިއަކު ކުރި ސުވާލަކަށް ޖަވާބު ދެއްވަމުން ރައީސް ޑރ. މުއިއްޒު ވިދާޅުވީ އެމަނިކުފާނާއި އަބްދުއްރަހީމްއާ ދެމެދު މައްސަލައެއް ޖެހިގެން އުޅޭ ވާހަކައަކީ ހަގީގަތެއް ނޫން ކަމަށެވެ. އަދި ކުރިއެކޭ އެއްގޮތަށް މިހާރު ވެސް އަބްދުއްރަހީމްއާ އެކުގައި ރަހްމަތްތެރިކަމުގެ ގުޅުން އޮތް ކަމަށް އެމަނިކުފާނު ވިދާޅުވިއެވެ.
“އަބްދުއްރަހީމާއި އަޅުގަނޑަކާ އެއްވެސް މައްސަލައެއް ނެތް. އަބްދުއްރަހީމަކީ އަޅުގަނޑާއި އޭރުވެސް މިހާރުވެސް ރަހްމަތްތެރި ދެ މީހުން” ރައީސް ވިދާޅުވިއެވެ. ޓޫރިޒަމް މިނިސްޓަރުގެ މަގާމުގައި ހުންނެވި އަބްދުއްރަހީމްގެ ދަރިކަލުން އިބްރާހިމް ފައިސަލް ވަކިކުރެއްވުމާ ގުޅިގެން ރައީސް ޑރ. މުއިއްޒާއި އަބްދުއްރަހީމްއާ ދެމެދު ހިޔާލުތަފާތުވުންތަކެއް އުޅުނު ކަމުގެ އަޑުތަކެއް ފެތުރުނެވެ. ރައީސް ވިދާޅުވީ ފައިސަލް ވަކި ކުރެއްވުމަށް ނިންމެވީ އެވަގުތަށް އެންމެ ރަނގަޅު ނިންމެވުން ކަމުގައި ދެކެވަޑައިގަންނަވާތީ ކަމަށެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0