Read Time:2 Minute, 55 Second
(ފޮޓޯ ކްރެޑިޓްސް: މަޒީން)
ރޭސިން ޓްރެކެއް އެޅުމަށް އެމްއޭސީއެލްއާ ހަވާލުކޮށްފައިވާކަމަށް ރައީސުލްޖުމްހޫރިއްޔާ ޑރ. މުހައްމަދު މުއިއްޒު ވިދާޅުވެއްޖެއެވެ. ރައީސް މިހެން ވިދާޅުވެފައިވަނީ ރައީސް އޮފީހުގައި ކުރިއަށްދާ ނޫސްވެރިންގެ ބައްދަލުވުމުގައެވެ. މި ނޫސްވެރިންގެ ބައްދަލުވުމުގައި ވާހަކަފުޅު ދައްކަވަމުން ރައީސް ވިދާޅުވީ ރޭސިން ޓްރެކެއް އެޅުމަށް އެމްއޭސީއެލްއާ ހަވާލުކޮށްފައިވާ ކަމަށާއި އެ މަޝްރޫ ކުރިއަށް ގެންދާނީ އެމްއޭސީއެލްގެ ހަރަދުގައި ކަމަށެވެ. މީގެ އިތުރުން ރައީސް ވިދާޅުވިގޮތުގައި މި ރޭސިން ޓްރެކް އެޅުމަށް ހަމަޖެހިފައިވަނީ ސިނަމާލޭ ބްރިޖާއި ހުޅުމާލެއާއި ދޭތެރޭގައިވާ ހައިވޭގެ އަރިމަތީގައިވާ ސޯލާ ޕެނަލްތަކުގެ ބޭރުން އޮންނަ މޫދުން ބައެއް ހިއްކައިގެންނެވެ.
ރައީސް ވިދާޅުވި ގޮތުގައި އެ ސަރަހައްދުގައި ރޭސިން ޓްރެކެއް އެޅުމަށް ބޭނުންވާ ވަރަށް ބިން ހިއްކައިގެން އެކަން ކުރެވޭނެ ޖާގަ އެބައޮތެވެ. ރައީސް އިތުރަށް ވިދާޅުވީ އެ ތަނުގައި ރޭސިން ޓްރެކެއް އެޅުމަށް ނިންމާފައިވަނީ އެކަމުގެ ނުރައްކާތެރިކަމުން މީހުން ދިރުއުޅޭ ތަނެއްގައި ރޭސިން ޓްރެކެއް ހެދެން ނެތުމުން ކަމަށެވެ. މީގެ އިތުރުން ގުޅިފައިވާ ތަނެއްގައި މިކަން ކުރަން ބޭނުންވާއިރު، ރޭސިން ޓްރެކެއް އެޅުމަށް ހުޅުމާލޭގައި ވެސް ބިމެއް ނެތް ކަމަށް ރައީސް ވިދާޅުވެފައިވެއެވެ.
ރޭސިން ޓްރެކްގެ މަސައްކަތްތަކުގެ މައުލޫމާތާއި، މަސައްކަތް ނިމޭނެ ތާރީހަކާއި މި މަޝްރޫއަށް ހަރަދުވާ ވަރެއް އެމްއޭސީއެލްއިން ހާމަކުރައްވާނެ ކަމަށް ވެސް ރައީސް ވަނީ ވިދާޅުވެފައެވެ.
Happy
0 %
Sad
0 %
Excited
100 %
Sleepy
0 %
Angry
0 %
Surprise
0 %
0
0