Read Time:4 Minute, 48 Second
(ފޮޓޯ ކްރެޑިޓްސް: ރައީސް އޮފީސް)
ސަރުކާރުން ރައްޔިތުންނަށް ވެފައިވާ ވައުދުތައް ފުއްދުމަށް މި އަހަރާއި އަންނަ އަހަރު ޖުމްލަ 2130 މަޝްރޫއެއް ކުރިއަށް ގެންދިއުމަށް ނިންމާފައިވާ ކަމަށް ރައީސުލްޖުމްހޫރިއްޔާ ޑރ. މުހައްމަދު މުއިއްޒު ވިދާޅުވެއްޖެއެވެ. ރައީސް މިހެން ވިދާޅުވީ މިހާރު ކުރިއަށްދާ ނޫސްވެރިންގެ ބައްދަލުވުމުގައި ވާހަކަދައްކަވަމުންނެވެ. އެމަނިކުފާނު ފާހަގަކުރެއްވީ ރިޔާސީ އިންތިހާބުގެ ކެމްޕެއިނުގައި އާއި އިންތިހާބުވެވަޑައިގަތުމަށް ފަހުގައި ވެސް ރާއްޖޭގެ އެކި ރަށްތަކަށް ވަޑައިގެން ގިނަ ވައުދުތަކެއް ވެވަޑައިގެންނެވި ކަމެވެ. އަދި ރިޔާސީ ވައުދުތައް ރައްޔިތުންނަށް ފެންނާނެހެން ފޮތެއްގައި ވެސް ލިޔެފައިވާކަން ފާހަގަކުރެއްވިއެވެ.
“އަޅުގަނޑުމެން ހުރިހާ މަސައްކަތް ގުޅިފައިވަނީ ވައުދު ފުއްދުމަށް، ނަތީޖާ ނެރުމަށް. މި ސަރުކާރަކީ ނަތީޖާ ނެރުމަށް އެކަނި ފޯކަސްކުރާ ސަރުކާރެއް. އަޅުގަނޑުމެންގެ ހުރިހާ ޝައުގެއް ހުރީ ނަތީޖާ ނެރުމަށް. އެހެންވީމަ 2129 ވައިދު ފުއްދުމުގައި މުޅި ސަރުކާރު މަސައްކަތް ކުރަނީ. މުޅި ސަރުކާރުގެ ކޮންމެ މީހެއް ޒިންމާއަކީ ވެސް އެއީ.” ރައީސް ވިދާޅުވިއެވެ. ކޮންމެ މަގާމެއްގައި ހުރި މީހެއް ކަމުގައި ވިޔަސް އެ މީހަކު އައްޔަންކޮށްފައިވަނީ ވައުދުތައް ފުއްދުމުގެ މަސައްކަތް ކުރުމަށް ބޭނުންވާތީ ކަމަށާއި ބޭރާކުކޮށް އައްޔަންކުރި މީހަކު، މިނިސްޓަރަކު، އަދި އެހެން މަގާމެއްގައި ހުރި ބޭފުޅެއް ނުހުންނާނެ ކަމަށް ވިދާޅުވިއެވެ. ސަރުކާރުގެ ކޮންމެ ބޭފުޅަކު ވެސް އައްޔަން ކޮށްފައިވަނީ 2129 ވައުދު ފުއްދުމަށް ކަމަށް ރައީސް ވިދާޅުވިއެވެ.
“މި މަސައްކަތް ކުރުމަށް، ވައުދުތައް ފުއްދުމަށް މި އަހަރާއި އަންނަ އަހަރު ރާއްޖޭގެ އެކި ކަންކޮޅުތަކުގައި ޖުމްލަ 2130 މަޝްރޫއެއް ކުރިއަށް ގެންދިއުމަށް ވާނީ ނިންމާފައި.” ރައީސް ވިދާޅުވިއެވެ.
ސަރުކާރުން ބައެއް ދާއިރާތަކުން ކުރިއަށް ގެންދިއުމަށް ރާވާފައިވާ މަޝްރޫތައް:
- ކުޅިވަރު – 551 މަޝްރޫއު
- ބިން ހިއްކުން – 42 މަޝްރޫއު
- ބޯހިޔާވެހިކަން – 37 މަޝްރޫއު
- ކުނީގެ ނިޒާމް – 153 މަޝްރޫއު
- ސިއްހަރު – 131 މަޝްރޫއު
- ބޭންކިން – 136 މަޝްރޫއު
- މިސްކިތް – 50 މަޝްރޫއު
- މަތީ ތައުލީމް – 23 މަޝްރޫއު
- މަސްވެރިނަކް – 30 މަޝްރޫއު
- އެއާޕޯޓް – 27 މަޝްރޫއު
ރައީސް ވިދާޅުވީ އެކިއެކި ދާއިރާތަކުން އެކި މަޝްރޫތައް ކުރިއަށް ގެންދިއުމަށް ވަނީ ރާވާފައި ކަމަށާއި އެ މަސައްކަތްތައް ކުރުމަށް ބަޖެޓްކޮށްފައިވާ ކަމަށެވެ. އެހެންކަމުން މިނިސްޓްރީތަކުންނާއި ކުންފުނިތަކުން މަޝްރޫއުތަކުގެ އަދާހަމަ ބެލޭނެ ކަމަށް ވިދާޅުވިއެވެ. އަދި ވިދާޅުވީ ސަރުކާރުގެ މަސައްކަތްތައް ކުރިއަށްދާނީ އެ ރޭވުންތަކާ އެއްގޮތަށް ކަމަށެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0