Read Time:3 Minute, 1 Second
(ފޮޓޯ ކްރެޑިޓްސް: އެފްޑީސީ)
“ގެދޮރުވެރިކުރުން” މަޝްރޫއުގެ ދަށުން ހުޅުމާލޭގެ ފުރަތަމަ ފިޔަވަހީގައި ތަރައްގީ ކޮށްފައިވާ 704 ފްލެޓް އިމާރާތުގެ ހާލަތު ބެލުމުގެ މަސައްކަތް ފަހި ދިރިއުޅުން ކޯޕަރޭޝަން (އެފްޑީސީ)އިން ފަށައިފިއެވެ. އެފްޑީސީން ވިދާޅުވީ، އިިއްޔެއިން ފެށިގެން 24 ވަނަ ދުވަހުގެ ނިޔަލަށް ކުރިއަށް ގެންދިޔުމަށް ހަމަޖެހިފައިވާ މި އިސްޕެކްޝަންގެ މައިގަނޑު މަގްސަދަކީ އެ ކުންފުނިން މި އިމާރާތްތަކާއި ހަވާލުވުމުގެ ކުރިން ތަނުގެ ހާލަތު ދެނެގަތުން ކަމަށެވެ. މިގޮތުން، އިމާރާތުގެ ސްޓްރަކްޗަރާއި، އާންމުން ބޭނުންކުރާ ސަރަޙައްދުތަކާއި އަދި މަރާމާތުކުރަންޖެހޭ ތަންތަން ދޮރުން ދޮރަށް ސަރވޭކޮށް ދެނެގަތުމުގެ މަސައްކަތް ކުރިއަށްދާނެ ކަަމަށް ވިދާޅުވެފައި ވެއެވެ.
(ފޮޓޯ ކްރެޑިޓްސް: އެފްޑީސީ)
އިއްޔެ ފެށިގެންދިޔަ އިންސްޕެކްޝަނާ ބެހޭގޮތުން ވާހަކަދައްކަވަމުން އެފްޑީސީގެ މެނޭޖިން ޑިރެކްޓަރ ހަމްދާން ޝަކީލް ވިދާޅުވީ، މި އިންސްޕެކްޝަންގެ ސަބަބުން ފްލެޓްތަކުގައި މަރާމާތު ކުރަންޖެހޭ ސަރަޙައްދުތައް ފާހަގަކުރެވި، މިހާރުގެ ހާލަތަށްވުރެ ފްލެޓްތަކުގެ ފެންވަރު އިތުރަށް ރަނގަޅުކުރެވޭނެ ކަމަށެވެ. މި ސްރަކްޗަރަލް އެސެސްމެންޓް ކުރިއަށްދާ މަސައްކަތްތައް ނިމެމުންދާ މިންވަރަކުން އާންމުންނަށް މައުލޫމާތު ފޯރުކޮށްދޭނެއެވެ. ޗައިނާ އެގްޒިމް ބޭންކުގެ ލޯންގެ އެހީގައި ހުޅުމާލޭގައި ތަރައްޤީކޮށްފައިވާ 704 ފްލެޓުގެ މަސައްކަތްކޮށްފައިވަނީ ޗައިނާ މެޝިނަރީ އިންޖިނިއަރިންގ ކޯޕަރޭޝަނުންނެވެ. މި ފްލެޓުތަކުގެ މަސައްކަތް ނިންމާ މީހުން ދިރިއުޅެން ފަށާފައިވަނީ 2018 ވަނަ އަހަރުގެ ކުރީކޮޅުގައެވެ.
Happy
100 %
Sad
0 %
Excited
0 %
Sleepy
0 %
Angry
0 %
Surprise
0 %
0
0