Read Time:4 Minute, 2 Second
(ފޮޓޯ ކްރެޑިޓްސް: ރައީސް އޮފީސް)
މަޖީދިއްޔާއަކީ ރާއްޖޭގެ ނިޒާމީ ތައުލީމުގެ އުނގު ކަމަށް ރައީސް ޑރ. މުހައްމަދު މުއިއްޒު ވިދާޅުވެއްޖެއެވެ. ރައީސް އެގޮތަށް ވިދާޅުވީ މަޖީދިއްޔާއަށް 98 އަހަރު ފުރުމާ ގުޅިގެން “އެކްސް” ގައި ކުރެއްވި ޕޯސްޓެއްގައެވެ. ރައީސް ވަނީ މަޖީދިއްޔާގެ “ފަޚުރުވެރި ހިޔަލުން” މި ގައުމަށް ގެނުވި ކުރިއެރުމާއި، “މަޖީދިއްޔަ ނޫރުން” މި ގައުމަށް ދިން އިލްމީ އަލިކަމުގެ ހަނދާންތަކަށް ނިމުމެއް ނެތް ކަމަށް ވިދާޅުވެފައެވެ. އަދި މަޖީދިއްޔާއަކީ ދިވެހިރާއްޖޭގެ ނިޒާމީ ތައުލީމުގެ އުނގު ކަމަށާއި މި ގައުމުގެ އެންމެ ޝަރަފްވެރި “އިލްމީ ބަގީޗާ”، މަޖީދިއްޔާގެ ހަނދާންތައް ދިވެހި ތާރީޚުގަައި ބިންވަޅު ނެގިފައިވަނީ ފަނޑުވުމެއްނެތް ޒިކުރާތަކާއެކު ކަމަށް ވެސް އެމަނިކުފާނު ވިދާޅުވިއެވެ.
“ދިވެހިރާއްޖޭގެ ތަޢުލީމުގެ އެންމެ ނަންހުރި ބިނާއަށް 98 އަހަރު ފުރޭ މި ތާރީޚީ މުނާސަބާގެ ހެޔޮއެދުންތައް ސްކޫލުގެ އެހާރާ މިހާރުގެ ދަރިވަރުންނަށް، ބެލެނިވެރީންނަށް، މުދައްރިސުންނަށް، ހިންގުންތެރީންނަށް، ޚިދުމަތްތެރީންނަށް އަރިސްކުރަނީ ހިތުގެ ފުންމިނުގެ ލޯތްބާއި، ހެޔޮ ދުޢާތަކާ އެކު.” ރައީސްގެ ޕޯސްޓުގައިވެއެވެ.
މަޖީދިއްޔާގެ “ފަޚުރުވެރި ހިޔަލުން” މި ޤައުމަށް ގެނުވި ކުރިއެރުމާއި، “މަޖީދިއްޔަ ނޫރުން” މި ޤައުމަށް ދިން ޢިލްމީ އަލިކަމުގެ ހަނދާންތަކަށް ނިމުމެއް ނެތް.
މަޖީދިއްޔާއަކީ ދިވެހިރާއްޖޭގެ ނިޒާމީ ތަޢުލީމުގެ އުނގު. މި ޤައުމުގެ އެންމެ ޝަރަފްވެރި “ޢިލްމީ ބަގީޗާ”. މަޖީދިއްޔާގެ ހަނދާންތައް… pic.twitter.com/gsjLR9uJtj
— Dr Mohamed Muizzu (@MMuizzu) April 19, 2025
މަޖީދިއްޔާ ސްކޫލުގެ އަހަރީ ދުވަހު އާއިމާރާތް އެޅުމުގެ އެއްބަސްވުމުގައި ސޮއިކުރާނެ ކަމަށް ރައީސް ޑރ. މުހައްމަދު މުއިއްޒު ވަނީ މީގެކުރިން ވިދާޅުވެފައެވެ. އަދި އެ އަމާޒަށް މަސައްކަތް ކުރަމުންދާ ކަމަށް ވެސް ވިދާޅުވިއެވެ. މަޖީދިއްޔާ ސްކޫލުގެ އާ އިމާރާތެއް އަޅަންޖެހޭކަން ފާހަގަކުރައްވައި ރައީސް ވިދާޅުވީ، މަޖީދިއްޔާ ސްކޫލަށް 100 އަހަރު ފުރުން ފާހަގަކުރުމަށް ކައުންޓްޑައުން ފެށި ރޭ ވެސް އެ ވާހަކަ ވިދާޅުވި ކަމަށެވެ. އޭޕްރީލް 19، 1972 ގައި ހުޅުވި މަޖީދިއްޔާ ސްކޫލަކީ ރާއްޖޭގައި ހުރި އެންމެ ދުވަސްވީ ސްކޫލެވެ. މަޖީދިއްޔާ ސްކޫލަށް އޭޕްރީލް 19، 2027 ގައި ގަރުނެއް ހަމަވާނެއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0