Read Time:2 Minute, 50 Second
(ފޮޓޯ ކްރެޑިޓްސް: ވަގުތު)
ގައުމީ އެއާލައިން، މޯލްޑިވިއަންއަށް އިތުރު އެއާބަސް މަތިންދާބޯޓެއް ހޯދުމުގެ މަސައްކަތް ފަށައިފިއެވެ. އައިލެންޑް އޭވިއޭޝަނުން މިިދިޔަ ފެބްރުއަރީ މަހު ވަނީ އެއާބަސް ހޯދުމަށް އިއުލާންކޮށްފައެވެ. އެހެންނަމަވެސް އެ އިއުލާން ބާތިލުކޮށް އަލުން ކުރި އިއުލާންގައި ބުނީ އެއާބަސް އޭ 330-200 މަރުކާގެ މަތިންދާބޯޓެއް ހޯދަނީ ފަސް އަހަރު ދުވަހުގެ މުއްދަތަކަށް ކަމަށެވެ. މަތިންދާބޯޓު ފޯރުކޮށްދޭން ބޭނުންވާ ފަރާތަކުން އެކަމަށް އެދި މިމަހުގެ 26 ވަނަ ދުވަހުގެ ކުރިން ހުށަހަޅަން ޖެހޭ ކަމަށާއި މަތިންދާބޯޓުގައި ހުންނަންޖެހޭ ޝަރުތުތަކުގެ ތެރޭގައި ބިޒްނެސް ކްލާހުގައި މަދުވެގެން 20 ސީޓު ހުރުން ހިމެނޭ ކަމަށް އައިލެންޑް އޭވިއޭޝަނުން ވިދާޅުވެއެވެ.
ގައުމީ އެއާލައިނަށް ފުރަތަމަ ފަހަރަށް އޭ-330 މަތިންދާބޯޓެއް ގެނައީ މިދިޔަ ޖެނުއަރީ މަހުގެ ހަވަނަ ދުވަހެވެ. މި މަތިންދާބޯޓު ޗައިނާގެ ބެެއިޖިން، ޝަންގްހާއި އަދި ޗެންގްޑޫއަށް ދަތުރުތައް ކުރެއެވެ. އަދި އޭ-330ގައި ޔޫރަޕަށް ވެސް ދަތުރުތައް ކުރުމަށް ވަނީ ހަމަޖެހިފައެވެ. މޯލްޑިވިއަންގެ އެ މަތިންދާބޯޓަކީ އެއްވެސް ތަނަކު ނުޖައްސާ 13،000 ކިލޯމީޓަރަށް ސީދާ ދަތުރުކުރުމުގެ ކެޕޭސިޓީ ލިބިފައިވާ މަތިންދާ ބޯޓެކެވެ. އެ މަތިންދާބޯޓުގައި ތިން ކްލާހެއް ހިމެނެެއެވެ. އެއީ ބިޒްނަސް އަށް 18 ގޮނޑި، ފްރިމިއަމް އިކޮނޮމީ 36 ގޮނޑި، އިކޮނޮމީ ކުލާހުގައި 210 ގޮނޑިއާއެކު ޖުމްލަ 264 ގޮނޑިއެވެ.
މަތިންދާބޯޓުން ދަތުރުުކުރާ ކޮންމެ ފަސިންޖަރަކަށް ވެސް 40 ކިލޯގެ ބެގޭޖު އުފުލޭނެއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0