Read Time:4 Minute, 12 Second
ވެލާނާ އިންޓަނޭޝަނަލް އެއާޕޯޓު (ވީއައިއޭ) އަށް 59 އަހަރު ފުރުމުގެ މުނާސަބަތުގައި އެއާޕޯޓުގެ ހުރިހާ ހިދުމަތްތެރިންނަށް ރައީސް ޑރ. މުހައްމަދު މުއިއްޒު ޝުކުރު އަދާކުރައްވައިފިއެވެ. ވީއައިއޭގެ އަހަރީ ދުވަހުގެ މުނާސަބަތުގައި ރައީސް އެކްސްގައި ކުރެއްވި ޕޯސްޓެއްގައި ވިދާޅުވީ 59 އަހަރުގެ ގައުމީ ހިދުމަތުގެ އަގު ވަޒަންކޮށް، އެމްއޭސީއެލްގެ އެހާރާއި މިހާރުގެ ހުރިހާ ހިދުމަތްތެރީންނަށް ޝުކުރު ދަންނަވާ ކަމަށެވެ. “އުފާވެރި އަހަރީ ދުވަހަކަށް އެދެން.” ރައީސް ވިދާޅުވިއެވެ.
އެއާޕޯޓްގެ 59 ވަނަ އަހަރީ ދުވަސް މިއަދު ފެށީ ދިދަ ނެގުމުގެ ހާއްސަ ރަސްމިއްޔާތަކާއެކުގައެވެ. އެ ރަސްމިއްޔާތުގައި އެމްއޭސީއެލްގެ ސީއީއޯ އަދި މެނޭޖިންގ ޑިރެކްޓަރު އިބްރާހިމް ޝަރީފްގެ އިތުރުން ކުންފުނީގެ މެނޭޖްމަންޓާއި މުވައްޒަފުންގެ އިތުރުން ސްޓޭކްހޯލްޑަރުންވެސް ވަނީ ބައިވެރިވެވަޑައިގެންނެވިއެވެ.
59 އަހަރުގެ ޤައުމީ ޚިދުމަތުގެ އަގު ވަޒަންކޮށް، އެމް.އޭ.ސީ.އެލްގެ އެހާރާއި މިހާރުގެ ހުރިހާ ޚިދުމަތްތެރީންނަށް ޝުކުރު ދަންނަވައި، އުފާވެރި އަހަރީ ދުވަހަކަށް އެދެން pic.twitter.com/xNeVZLhcjJ
— Dr Mohamed Muizzu (@MMuizzu) April 12, 2025
ދިދަ ނެގުމުގެ ރަސްމިއްޔާތަށްފަހު ދުވަހުގެ މުނާސަބަތުގައި 59 ފޫޓުގެ ކޭކެއް ވަނީ ފަޅާފައެވެ. އަދި ރަސްމިއްޔާތުގައި ބައިވެރިވި އެންމެން ވަނީ ހުޅުލޭގައި ހިނގާލުމެއް ބާއްވާފައެވެ. ވެލާނާ އިންޓަނޭޝަނަލް އެއާޕޯޓް ހުޅުވާފައިވަނީ 1966 ވަނަ އަހަރުގެ އޮކްޓޯބަރު މަހުގެ 11 ވަނަ ދުވަހުގައެވެ. އެއާޕޯޓް ހުޅުވައްދެއްވީ އޭރުގެ ބޮޑު ވަޒީރު އިބްރާހިމް ނާސިރެވެ. އޭގެ ފަހުން ރާއްޖެއަށް ފުރަތަމަ ފަހަރަށް ފަތުރުވެރިޔަކު ޒިޔާރަތް ކުރީ 1972 ގައެވެ. އަދި ވީއައިއޭ ހިންގުމަށް މޯލްޑިވްސް އެއާޕޯޓްސް ކޮމްޕެނީ ލިމިޓެޑް (އެމްއޭސީއެލް) ގެ ނަމުގައި ސަރުކާރުގެ %100 ހިއްސާވާ ކުންފުންޏެއް އުފެއްދީ 1994 ގައެވެ.
ވެލާނާ އިންޓަނޭޝަނަލް އެއާޕޯޓުގައި މިހާރު ހިންގާ އެންމެ ބޮޑު މަޝްރޫއަކީ އާ ޓާމިނަލްގެ މަސައްކަތެވެ. ސަރުކާރުން އަމާޒު ހިފާފައިވަނީ އަންނަ އޮކްޓޯބަރު މަހު އެ ތަން ހުޅުވުމެވެ. ޓާމިނަލް ބޭނުން ކުރަން ފެށުމުން އަހަރަކު ގާތްގަނޑަކަށް 7.5 މިލިއަން ފަސިންޖަރުންނަށް ހިދުމަތް ދެވޭނެއެވެ. އެއާ އެކު، ގާތްގަނޑަކަށް 1،800 މުވައްޒަފުން އިތުރުކޮށް އާ އެއާލައިންތަކަށް އެއާޕޯޓުން ޖާގަ ލިބޭނެއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0