Read Time:2 Minute, 12 Second
ދަރިވަރުން ކާމިޔާބު ހޯދުމަށް ގަދައަޅައި މަސައްކަތް ކުރުމަށް ރައީސުލްޖުމްހޫރިއްޔާގެ ނައިބު ޙުސައިން މުޙައްމަދު ލަޠީފް ދަރިވަރުންނަށް ހިތްވަރުދެއްވައިފިއެވެ. ނައިބު ރައީސް ދަރިވަރުންނަށް ހިތްވަރުދެއްވީ ދިރާސީ އައު އަހަރުގެ ކިޔެވުން ފެށުމާ ގުޅިގެން އެކްސްގައި ކުރެއްވި ޕޯސްޓެއްގައެވެ. އެ ޕޯސްޓުގައި ނައިބު ރައީސް ވިދާޅުވީ މި އަހަރަކީ ވެސް ދަރީންނަށް ހުރިހާގޮތަކުން ބާއްޖަވެރި އަދި ކާމިޔާބު އަހަރެއް ކަމުގައި ވާނެކަމަށް އުންމީދުކުރައްވާ ކަމަށެވެ.
ނައިބު ރައީސްގެ މެސެޖްގައި މިފެށުނު ދިރާސީ އައު އަހަރުގެ ހެޔޮއެދުމާއި ތަހުނިޔާ އެންމެހާ ލޮބުވެތި ދަރިވަރުންނަށާއި މުދައްރިސުންނަށާއި ބެލެނިވެރީންނަށް ވަނީ އަރިސްކުރައްވާފައެވެ. ދިރާސީ އާ އަހަރުގެ ކިޔެވުން ރާއްޖޭގައި ކިޔަވައިދޭ ހުރިހާ ސްކޫލެއްގައި މިއަދު ފަށާފައިވާއިރު ޖުމްލަ 90،000 ދަރިވަރުންނާއެކު މިއަދު ސްކޫލުތަކުގެ ކިޔެވުން ފެށީ ގާތްގަނޑަކަށް ދޮޅުމަހަށް ވުރެ ގިނަ ދުވަހުގެ ބަންދަކަށްފަހުގައެވެ. އެގޮތުން ސަރުކާރު ސްކޫލްތަކުގައި ކިޔަވާ 84،000 އެއްހާ ދަރިވަރުންނާއެކު މާލެ ސަރަހައްދުގެ 217 ސްކޫލެއްގައި މިއަދު ވަނީ ކިޔެވުން ފަށާފައެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0