Read Time:3 Minute, 12 Second
(ފޮޓޯ ކްރެޑިޓްސް: ރޮއިޓާރސް)
ސްޕެނިޝް ލީގުގައި ރޭ ރެއާލް ބެޓިސްއާ ދެކޮޅަށް ކުޅުނު މެޗު 1-1 ގެ ނަތީޖާއަކުން އެއްވަރުވި ނަމަވެސް، ބާސެލޯނާއަށް އެއްވަނައިގައި ހަތަރު ޕޮއިންޓުގެ ލީޑެއް ލިބިއްޖެއެވެ. ބާސެލޯނާގެ އޮލިމްޕިކް ސްޓޭޑިއަމްގައި ކުޅުނު މި މެޗު އެއްވަރުވިއިރު ބާސެލޯނާއަށް ވަނީ ލީގުގައި މިހާތަނަށް ކުޅުނު 30 މެޗުން 67 ޕޮއިންޓާއެކު ތާވަލުގެ އެއްވަނަ މަގާމް ލިބިފަ އެވެ. ދެވަނައިގައި އޮތް ރެއާލް މެޑްރިޑަށް ލިބިފައިވަނީ 63 ޕޮއިންޓެވެ. ސާޅީސް ހަތް ހާހަށްވުރެ ގިނަ މީހުންގެ ކުރިމަތީގައި ކުޅުނު މި މެޗުގެ ގިނަވަގުތު ބާސެލޯނާއިން ބޯޅަ ހިފަހައްޓައިގެން ކުޅުނު މި މެޗުގައި އެ ޓީމަށް ލަނޑު ޖަހަން ގިނަ ފުރުސަތުތަކެއް ލިބުނު ނަމަވެސް އެ ޓީމަށް ވަނީ މި މެޗުން މޮޅުވެވޭ ގޮތް ނުވެފަ އެވެ. މި ނަތީޖާ އާއިއެކު މި ސީޒަނުގައި ހުރިހާ މުބާރާތެއްގައި ބާސެލޯނާ މޮޅުވަމުން އައި ރެކޯޑް ވަނީ ހަތް މެޗަށްފަހު ނިމުމަކަށް އައިސްފަ އެވެ.
މެޗުގެ ހަތްވަނަ މިނިޓުގައި ބާސެލޯނާގެ ފެރާން ޓޮރޭސް ދިން ބޯޅަ އަކުން ގަވީ ލަނޑެއް ޖަހާ ބާސެލޯނާއަށް ކުރި ހޯދަދިން ނަމަވެސް އޭގެ ދިހަ މިނިޓު ފަހުން ރެއާލް ބެޓިސްގެ ޑިފެންޑަރ ނަތަން ވަނީ އެ ޓީމަށް ލިބުނު ކޯނަރު ލޮސެލްސޯ ނަގައިދިން ވަގުތު ބޮލުން ޖަހާ ބާސެލޯނާގެ ގޯލުގެ ތެރެއަށް ބޯޅަ ފޮނުވާލައިގެން މެޗުގެ ނަތީޖާ އެއްވަރުކޮށްފަ އެވެ. މި މެޗުގެ ދެވަނަ ހާފުގައި ބާސެލޯނާއިން ލީޑު ނަގަން ވަނީ ރަގަޅު ފުރުސަތެއް ލިބިފަ އެވެ. ޑިފެންޑަރ ޖޫލްސް ކޫންޑޭ ފޮނުވާލި ބާރު ހަމަލާ ބެޓިސްގެ ކީޕަރު ވަނީ ދިފާއުކޮށްފަ އެވެ. އަންނަ ބުދަ ދުވަހުގެ ރޭ ބާސެލޯނާ ނިކުންނާނީ ޔޫއެފާ ޗެމްޕިއަންސް ލީގުގެ ކުއާޓަރ ފައިނަލުގެ ފުރަތަމަ ލެގުގައި ޖަރުމަނުގެ ބޮރޫޝިޔާ ޑޯޓްމަންޑާއި ދެކޮޅަށެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0