(ފޮޓޯ ކްރެޑިޓްސް: ރައީސް އޮފީސް)
އިނިގިރޭސިވިލާތުގައި ހުންނަ ރޯޒްމަންޓް އެވެނިއުއަކީ ދިވެހި ދަރިވަރުންނަށް މުހިންމު އަދި ބޭނުންތެރި ތަނަކަށް ވެގެންދާނެކަމަށް ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ވިދާޅުވެއްޖެއެވެ. އެމަނިކުފާނު މިހެން ވިދާޅުވީ، އިނގިރޭސިވިލާތަށް ކުރެއްވި ދަތުރުފުޅުގެ ތެރެއިން އެޤައުމުގައި ކިޔަވަމުންދާ ދިވެހި ދަރިވަރުންނާއި ބައްދަލުކުރައްވާ ވާހަކަފުޅުދައްކަވަމުންނެވެ.
އިނގިރޭސިވިލާތުގައި ކިޔަވަމުންދާ ދިވެހި ދަރިވަރުންނާ ބައްދަލުކުރައްވާ ވާހަކަފުޅުދައްކަވަމުން ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ވިދާޅުވީ، ލަންޑަނުގެ ނޯތްފިންޗްލީގައި ހުންނަ “ނަމްބަރ 9 ރޯޒްމަންޓް އެވެނިއު” ޢިމާރާތަކީ އެމަނިކުފާނުގެ ތަޢުލީމީ ދައުރުގައިވެސް އަދި އޭގެ ކުރީ އަހަރުތަކުން ފެށިގެންވެސް ދިވެހި ދަރިވަރުންގެ އެކޮމޮޑޭޝަން ބްލޮކެއްގެ ގޮތުގައި ބޭނުންކުރަމުންދިޔަ ތަނެއްކަމަށެވެ. އަދި މި ޢިމާރާތަކީ ދިވެހި ސަރުކާރުގެ މިލްކެއް ކަމަށާއި، އޭރުވެސް އެކި ކަންކަމަށް މި ޢިމާރާތް ބޭނުންކުރެވިގެންދިޔަކަމަށް ރައީސް ފާހަގަކުރެއްވިއެވެ. އެގޮތުން އިނގިރޭސިވިލާތަށް ކިޔަވަން އަންނަ ހުރިހާ ދަރިވަރުން ލަންޑަނަށް ގޮސް ބައްދަލުވެ، އިޖްތިމާޢީ ގުޅުން ބަދަހިކުރާ މަރުކަޒެއް އަދި ހަބެއްގެ ގޮތުގައި އޭރު މި ޢިމާރާތް ވަނީ ބޭނުންކޮށްފައެވެ. އަދި މި އެކޮމޮޑޭޝަން ހަބް އޭރު ހިންގި އެސޯސިއޭޝަން ކަމަށްވާ މޯލްޑިވްސް ސްޓޫޑަންޓްސް އެސޯސިއޭޝަން، އެމް.އެސް.އޭއިންވެސް އިނގިރޭސިވިލާތުގައި މަތީ ތަޢުލީމު ހާސިލްކުރަމުންދާ ދަރިވަރުންގެ އިތުރުން ރާއްޖޭގައި ކިޔަވަމުންދާ ދަރިވަރުންނަށްވެސް ބައިވެރިވެވޭގޮތަށް ގިނަ ހަރަކާތްތަކެއް އިންތިޒާމްކޮށް ކުރިއަށްގެންގޮސްފައެވެ.
(ފޮޓޯ ކްރެޑިޓްސް: ރައީސް އޮފީސް)
ނަމަވެސް އެތައް އަހަރުތަކެއް ވަންދެން ބޭނުންކުރަމުންދިޔަ މި އެކޮމޮޑޭޝަން ހަބް 2019 ވަނަ އަހަރު ހައިކޮމިޝަންގެ ބޭނުމަށް ވަނީ ނަގާފައެވެ. ވުމާއެކު މި ޢިމާރާތް އަލުން ދަރިވަރުންނަށް ބޭނުންކުރެވޭނެ ތަނެއްގެ ގޮތުގައި މިހާރު ހަމަޖެހިފައިވާކަމަށް ރައީސް ވިދާޅުވިއެވެ. “ނަމަވެސް، އަޅުގަނޑަށް ފާހަގަކުރެވުނީ ކޮންމެވެސް ސަބަބަކާހުރެ ވޭތުވެދިޔަ އަހަރުތަކުގައި އެ ތަނެއް ދަރިވަރުންނަށް ނުލިބޭ. މި ކަން އަޅުގަނޑަށް އެނގުނީ ވަރަށް ފަހުން. ސަރުކާރާ ހަވާލުވުމަށްފަހު އަޅުގަނޑުގެ އަމާޒަކަށްވީ އަލުން އަނބުރާ ކުރީގެ ގޮތަށް މިކަން އިޢާދަކުރުން. އެހެންކަމުން، މިއަދު އިރާދަކުރެއްވިއްޔާ މި ކަން ހަމަޖެހިގެން ދިޔުމާއެކު، އަޅުގަނޑު އުންމީދުކުރަނީ ހުރިހާ ދަރިވަރުންނަށްވެސް މިއީ ވަރަށް ބޭނުންތެރި ތަނަކަށް ވާނެކަމަށް. އެ ޢިމާރާތުގައި ހުންނަ ކޮޓަރިތަކުގައި ކިޔަވަން ތިބޭ ދަރިވަރުންނަށް އަގުހެޔޮކޮށް ތިބެވުމުގެ އިތުރުން، ވަގުތީގޮތުން މަޑުކޮށްލާއިރުވެސް ވަރަށް ފަސޭހަކަމާއެކު އެތަނުގައި ތިބެވޭނެ. މިއީ ކުރީގެ މާޙައުލު، ކުރީ ޒަމާނުގައި އޮތް ގޮތަށް އަލުން އިޢާދަކުރެވޭކަމެއް.” ރައީސް ވިދާޅުވިއެވެ.
ރައީސް ވިދާޅުވީ، މި ތަން އިނިގރޭސިވިލާތުގައި ކިޔަވަމުންދާ ދަރިވަރުންގެ އެސޯސިއޭޝަންގެ ދަށުގައި މިހާރު ރަޖިސްޓްރީކޮށްފައިވާނެކަމަށެވެ. އަދި މިކަން ހަމަޖެހިގެންދިއުމާއެކު ދަރިވަރުންނަށް ގިނަ ފައިދާތަކެއް ލިބިގެންދިއުމުގެ އިތުރުން އެމްއެސްއޭގެ ހިންގުމަށްވެސް އިތުރު ލުއިތަކެއް ލިބިގެންދަނެކަމަށެވެ. މީގެ އިތުރުން މިއީ އެޤައުމުގައި ކިޔަވަމުންދާ ދަރިވަރުންގެ ހިތްހަމަޖެހުމާއި އެކުދިންގެ ދުޅަހެޔޮކަން ކަށަވަރުކުރުމާއެކު، ދަރިވަރުންގެ އިޖުތިމާޢީ ގުޅުންތައް ބަދަހިކުރުމަށް ލިބުގެންދާނެ ވަރަށް ރަނގަޅު ފުރުސަތެއްކަމަށްވެސް ރަޢިސް ވިދާޅުވިއެވެ.
ރައީސުލްޖުމްހޫރިއްޔާ އިނގިރޭސިވިލާތުގެ ލިވަޕޫލް ސިޓީއަށް ކުރެއްވި މި ދަތުރުފުޅުގައި އިނގިރޭސިވިލާތުގައި ތިބި ދިވެހި ދަރިވަރުންނާ ބައްދަލުކުރެއްވިއެވެ. ދިވެހި ދަރިވަރުންނާއެކު ބޭއްވެވި ބައްދަލުކުރެއްވުމުގައި، ދަރިވަރުންގެ ތަޢުލީމީ ކަންކަން ކުރިއަށްދާ ގޮތާއި، ދަރިވަރުންގެ ތަޖުރިބާތަކާއި ގުޅޭގޮތުން ރައީސުލްޖުމްހޫރިއްޔާ އޮޅުންފިލުއްވިއެވެ. އަދި، މަތީ ތަޢުލީމް ހާސިލްކުރަމުންދާ ދަރިވަރުންނަށް ކުރިމަތިވާ ދަތިތައް ޙައްލުކޮށްދެއްވުމުގައި ސަރުކާރުން ޚާއްޞަ ސަމާލުކަމެއް ދެއްވާނޭކަމުގެ ޔަޤީންކަން ރައީސުލްޖުމްހޫރިއްޔާ ވަނީ އެދަރިވަރުންނަށް ދެއްވާފައެވެ.
About Post Author
މާދަމާ ނިއުސް
ބޮޑު ބަންދަކަށްފަހު ސަރުކާރު ހުޅުވިއްޖެ، ސްކޫލުތައް ތައްޔާރު!
(ފޮޓޯ ކްރެޑިޓްސް: ވަގުތު) ބޮޑު ބަންދަކަށްފަހު މިއަދު ސަރުކާރު އޮފީސްތައް ހުޅުވޭއިރު، ދިރާސީ އާ އަހަރުގެ ކިޔެވުން ފެށެން ވެސް ތައްޔާރުވެއްޖެއެވެ. ރޯދަ މަހުގެ...
ލުއި ވިޓަން ބިއުޓީ ބްރޭންޑެއް ތައާރަފުކުރަނީ!
ދުނިޔޭގެ މަޝްހޫރު ބްރޭންޑެއް ކަމަށްވާ ފްރާންޒްގެ ލުއިސް ވިޓަންގެ ބިއުޓީ ބްރޭންޑެއް ތައާރަފް ކުރަން ނިންމަައިފިއެވެ. ރިޕޯޓްތައް ބުނެފައިވާ ގޮތުގައި މި ބިއުޓީ ބްރޭންޑަކީ...
ލިވަޕޫލްގެ ޓެކްނިކަލް އެހީތެރިކަން ދިވެހި ފުޓްބޯޅަށް ލިބޭނެ: ކުޅިވަރާ ބެހޭ ވަޒީރު
(ފޮޓޯ ކްރެޑިޓްސް: ޕީއެސްއެމް ނިއުސް) އިނގިރޭސިވިލާތުގެ މަޝްހޫރު ފުޓްބޯޅަ ކުލަބު ލިވަޕޫލްގެ ޓޫރިޒަމް ޑެސްޓިނޭޝަން ޕާޓްނަރެއްގެ ގޮތުގައި ރާއްޖެ ޕްރޮމޯޓުކުރުމުގެ މަސައްކަތްތަކުގެ އިތުރުން އެ...
ލިވަޕޫލާއެކު ކުރިއަށްގެންދާ ކެމްޕެއިންގެ ސަބަބުން ލަގްޒަރީ މާކެޓަށް އަންނަ ފަތުރުވެރިން އިތުރުވާނެ: ޠާރިޤް
(ފޮޓޯ ކްރެޑިޓްސް: ޕީއެސްއެމް ނިއުސް) ދިވެހިރާއްޖޭގެ ފަތުރުވެރިކަން އިސްތިހާރުކުރުމަށް ލިވަޕޫލް އެފް.ސީއާއެކު ކުރިއަށް ގެންދާ ކެމްޕޭން ހަރަކާތާއެކު ރާއްޖޭގެ ލަގްޒަރީ މާކެޓަށް އަންނަ ފަތުރުވެރިން...
އިމާރާތްކުރުމުގެ ކުނި ނައްތާލާ ނިޒާމާއެކު އައު ވިޔަފާރިއެއްގެތެރެއަށް ވަދެވޭނެ: ވެމްކޯ
(ފޮޓޯ ކްރެޑިޓްސް: ރައީސް އޮފީސް) އިމާރާތްކުރުމުގެ މަސައްކަތުން އުފެދޭ ގާކުނޑި ނައްތާލާ ނިޒާމު ޤާއިމްވުމާއެކު، އައު ވިޔަފާރިއެއްގެތެރެއަށް ވެމްކޯއަށް ވަދެވޭނެކަމަށް އެކުންފުނީގެ މެނޭޖިންގ ޑިރެކްޓަރ...
މުޝްފިޤް ހޯދުމަށް 133 އަކަނޯޓިކަލް މޭލުގެ ސަރަހައްދެއް ބަލައިފި، އަދިވެސް ނުފެނޭ!
(ފޮޓޯ ކްރެޑިޓްސް: ސޯޝަލް މީޑިއާ) "ހޮޅުދޫ ބޯޓު"ގައި ހިނގި އަލިފާނުގެ ޙާދިސާގައި ގެއްލިގެން ހޯދަމުންދާ ޢަލީ މުޝްފިޤް ޝަރީފް ހޯދުމަށް މިހާތަނަށް 133 އަކަނޯޓިކަލް...