Read Time:3 Minute, 41 Second
(ފޮޓޯ ކްރެޑިޓްސް: ރައީސް އޮފީސް)
ރާއްޖެއިން ބޭރުގައި ކިޔަވާ ކުދިންގެ ކަންބޮޑުވުންތައް ހައްލުކޮށްދެއްވާނެކަމުގެ ޔަގީންކަން ރައީސް ޑރ. މުހައްމަދު މުއިއްޒު ދެއްވައިފިއެވެ. ރާއްޖެއިން ބޭރުގައި ކިޔަވާ ދަރިވަރުންނަށް ފައިސާ ޖަމާކުރުމައި ދިމާވާ ލަސްތަކާއި އެ ދަރިވަރުންގެ ކަންބޮޑުވުންތަކަށް މިނިސްޓްރީން ޖަވާބު ނުދޭ މައްސަލަގައި ބައެއް ދަރިވަރުން ވަނީ ނުރުހުން ފާޅުކޮށްފައެވެ. އިނގިރޭސިވިލާތުގައި ކިޔަވަން ތިބި ދިވެހި ދަރިވަރުންނާ ބައްދަލުކުރައްވައި ރައީސް ޑރ. މުއިއްޒު ވިދާޅުވީ ރާއްޖެއިން ބޭރުގައި ކިޔަވަން ތިބޭއިރު ދިމާވާ އެކި ކަހަލަ ދަތިތަކުގައި ސަރުކާރުން ކުރަންޖެހޭ ހުރިހާ ކަމެއް އިސްކަންދީގެން ކުރައްވާނެ ކަމަށެވެ.
އެގޮތުން ލޯނާއި ސްކޮލަޝިޕްގައި ކިޔަވަމުންދާ ދަރިވަރުންނާއި އަމިއްލަ ޚަރަދުގައި އައިސް ތިބި ކުދިން ބޭނުންވާ ކަންކަން ނިޒާމުގެ ތެރެއިން އަވަސްކޮށް ފަހިކޮށްދެއްވާނެ ކަމަށް ވިދާޅުވިއެވެ. ރައީސް ވިދާޅުވީ އެމަނިކުފާނަށް އެންމެ ގިނައިން ލިބިވަޑައިގެންފައި ހުރީ ދަރިވަރުން ކޮށްފައި ހުރި އީ-މެއިލަށް ހަޔަ އެޑިއުކޭޝަން މިނިސްޓްރީން ޖަވާބުދިނުން ލަސްވުމުގެ މައްސަލަތައް ކަމަށެވެ. އެ ކަންކަން ހައްލުކޮށްދޭނެ ކަމުގެ ޔަގީންކަން އެމަނިކުފާނު ވިދާޅުވިއެވެ. “އެކަން ވަރަށް ސަމާލުކަން ދީގެން ކުރިއަށް ގެންދާނަން. ފައިސާގެ މައްސަލަ ހައްލު ކުރަން މިދިޔަ ދުވަސްތަކުގައި ވަރަށް ގިނަ ކަންކަން ކޮށްފިން. އެއީ ޓިއުޝަން ފީ ޖަމާކޮށްދިނުން ކަމުގައިވިޔަސް.ސަރުކާރުގެ ނިޒާމުގެ ތެރޭގައި ހުންނަ އިންއެފިޝަންސީސްތައް ކަމުގައިވާ އީމެއިލްއަށް ޖަވާބުދިނުން ލަސްވުން ކަހަލަ ކަންކަން އަޅުގަނޑު އެޑްރެސްކުރާނަން. ނިޒާމުގެ ތެރޭގައި ހުރި ކަންކަން ހައްލުކޮށް، އަވަސްކޮށް ޖަވާބު ދިނުމާއި ފައިސާ ޖަމާކުރުމުގެ ކަންކަން ވެސް ކޮށްދޭނަން” ރައީސް ވިދާޅުވިއެވެ.
ރައީސް ވިދާޅުވީ އެގޮތަށް ދަރިވަރުންނަށް ދަތިތަކާއި ކުރިމަތިވުމުން، އެކަން ވަރަށް ރަނގަޅަށް އެނގިވަޑައިގަންނަވާ ކަމަށެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0