ތެލެސީމިއާ ސެންޓަރުން ޚިދުމަތްދޭ ވަގުތު އިތުރުކޮށްފި

Read Time:4 Minute, 32 Second

(ފޮޓޯ ކްރެޑިޓްސް: ރައީސް އޮފީސް)

ތެލެސީމިއާ ސެންޓަރުން ހިދުމަތް ދޭ ގަޑިތައް މޯލްޑިވްސް ބްލަޑް ސާވިސް (އެމްބީއެސް) އިން އިތުރުކޮށްފިއެވެ. މާލޭގައި ހުންނަ ތެލެސީމިއާ ސެންޓަރުގެ ޚިދުމަތް ލިބޭ ގަޑިތަކާއި މެދު ހިތްހަމަނުޖެހިގެން މިދިޔަ މާރޗް 22 ވަނަ ދުވަހުގެ ރޭ ބަޔަކު ވަނީ މުޒާހަރާކޮށްފައެވެ. އެހެންކަމުން ތެލެސީމިއާ ސެންޓަރުގެ ޚިދުމަތްދޭ ގަޑިތައް އިތުރު ކުރާނެ ކަމަށް ރައީސުލްޖުމްހޫރިއްޔާ ޑރ. މުހައްމަދު މުއިއްޒު ވަނީ ވިދާޅުވެފައެވެ. މި ވައުދުފުޅާ އެއްގޮތަށް އަންނަ އާދިއްތަ ދުވަހުން ފެށިގެން ކޮންމެ ހަފްތާއަކު ހުކުރު ދުވަސް ފިޔަވައި ކޮންމެ ދުވަހަކު ހެނދުނު 8:00 އިން ރޭގަނޑު 9:00 އަށް ބްލަޑް ސާވިސް ހުޅުވާން މިވަނީ ގަޑި މިވަނީ އިތުރުކޮށްފައެވެ.

އެމްބީއެސް އިން ހާމަކޮށްފައިވާ ގޮތުގައި:

އެޗް. ބީ ބެލުމަށް ސާމްޕަލްނެގުން ހޮނިހިރު ދުވަހާއި ބުރާސްފަތި ދުވަހާ ދެމެދު 08:00 އިން 20:00 އަށް ކުރިއަށްދާނެ
ކްރޮސްމެޗު ހެދުމަށް ސާމްޕަލް ނެގުމުގެ ޚިދުމަތް ހޮނިހިރު ދުވަހާއި ބުދަ ދުވަހާ ދެމެދު 08:00 އިން 20:00 އަށް އަދި ބުރާސްފަތި ދުވަހު 08:00 އިން 17:45 އަށް ލިބޭނެއެވެ.
ތެލަސީމިއާ ސްކްރީނިންގެ ޚިދުމަތް ލިބޭނީ 08:30 އިން 13:00 އަށް
ތެލަސީމިއާ ކާޑު ދޫކުރާނީ 08:00 އިން 14:00 އަށް
ޑޯނަރުން ގައިން ލޭ ނެގުން ކުރިއަށްދާނީ 08:00 އިން 19:45 އަށް
ޑޯނަރުން ގައިން އެފެރެސިސްކޮށް ލޭ ނެގުމުގެ ޚިދުމަތް ދިނުމަށް ހަމަޖެހިފައިވަނީ 08:00 އިން 19:30 އަށް ކަމަށްވެސް އެމްބީއެސް އިން ބުނެއެވެ.

އެމްބީއެސް އިން ބުނީ ލޭ ގުޅައިދިނުން (1 ޔުނިޓް) ގެ ޚިދުމަތް 08:00 އިން 16:30 އަށް ލޭ ގުޅައިދިނުން (2 ޔުނިޓު) ގެ ޚިދުމަތް 08:00 އިން 14:30 އަށް ހުރިހާ އުމުރު ފުރާއަކަށްވެސް ލިބޭނެ ކަމަށެވެ. މީގެ އިތުރުން އެ ސަރވިސް އިން ބުނީ ޑޮކްޓަރުން ބައްލަވާނީ 08:00 އިން 20:30 އަށް ކަމަށެވެ. ތެލެސީމިއާ ސެންޓަރުގައި ޒަމާނުއްސުރެން ހުރި ގިނަ މައްސަލަތައް ހައްލުކުރުމަށް މީގެކުރިން އެއްވެސް ސަރުކާރަކުން މަސައްކަތްކޮށްފައެއް ނުވެއެވެ. ނަމަވެސް ރައީސް މުއިއްޒު މާރޗް 23 ވަނަ ދުވަހު ތެލެސީމިއާ ސެންޓަރަށް ކުރި ޒިޔާރަތުގައި އެތަނުގެ ޚިދުމަތްތަކާއި ފެންވަރު ބަލާލުމަށްފަހު ޚިދުމަތް ރަނގަޅުކޮށް، މިހާރު ދިމާވެފައިވާ މައްސަލަތައް ހައްލުކޮށް ބަލި މީހުންނަށް ހިދުމަތް ދިނުމަށް ފިޒިޝަނުން (ޑޮކްޓަރުން) ހަމަޖައްސުުގެ އިތުރުން ތެލެސީމިއާ ސެންޓަރު ބާވެ ހަލާކުވެފައިވާތީ އާ އިމާރާތަކަށް ހިދުމަތް ބަދަލު ކުރުމުގެ މަސައްކަތް ކުރާނެ ކަމަށް ވަނީ ވިދާޅުވެފައެވެ.