ދިވެހި ފަންނުވެރިންނަށް އަރަބިއަން ޓްރެވެލް މާކެޓުގައި ހުނަރު ދައްކާލުމުގެ ފުރުޞަތު

Read Time:3 Minute, 31 Second

އަރަބިއަން ޓްރެވެލް މާކެޓުގައި ދިވެހި ފަންނުވެރިންގެ ހުނަރު ދައްކާލުމުގެ ފުރުސަތު މޯލްޑިވްސް މާކެޓިންގް އެންޑް ޕަލިކް ރިލޭޝަންސް ކުންފުނި، އެމްއެމްޕީއާރްސީން ހުޅުވާލައިފިއެވެ. އެމްއެމްޕީއާރްސީން ފަންނުވެރިންނަށް ފުރުސަތު ހުޅުވާލާފައިވަނީ މިމަހުގެ 28އިން އަންނަ މޭއި މަހު 1 އަށް ދުބާއީ ގައި އޮންނަ އަރަބިއަން ޓްރެވެލް މާކެޓު، އޭޓީއެމްގައި ހުނަރު ދައްކާލުމަށެވެ. އެ ހަރަކާތުގެ ތެރެއިން ކުރިއަށް ގެންދާ މޯލްޑިވިއަން އިވްނިންގައި ވަގުތުން ފަންނު ދައްކާލުމުގެ ފުރުސަތާއި އެ ފަންނުނެވެރިއެކު ތައްޔާރުކޮށްފައިވާ އުފެއްދުންތައް ޓްރެވެލް މާކެޓްގެ ތެރެއިން ދައްކާލުމަށް ފުރުސަތު ދޭނެއެވެ.

MMPRC is offering an incredible opportunity for a talented Maldivian artist to display their work and perform live art demonstrations at the Arabian Travel Market (ATM) 2025 in Dubai, along with the prestigious Maldivian Evening!

Deadline for applications: April 09, 2025 pic.twitter.com/yK6MUQudX9

— Maldives Marketing & Public Relations Corporation (@mmprc_corporate) April 3, 2025

އެމްއެމްޕީއާރްސީން ވަނީ މިކަމަށް ޝަޢުޤުވެރިވާ ފަރާތްތަކުން އީމެއިލް މެދުވެރިކޮށް ޝައުޤުވެރިކަން ފާޅުކުރުމަށް އެދިފައެވެ. މިކަމުގައި ބައިވެރިވުމަށް ހުށަހަޅުމަށް ދީފައިވާ އެންމެ ފަހު ތާރީޚަކީ މިމަހުގެ 9 ވަނަ ދުވަހެވެ. މިފެއަރ އޮންނާނީ ޔުނައިޓެޑް އަރަބް އެމިރޭޓްސްގެ ދުބާއީގައި ހުންނަ ދުބާއީ ވޯލްޑް ޓްރޭޑް ސެންޓަރުގައެވެ. މިއީ އޭޓީއެމް ފެއަރ ބާއްވާ 30 ވަނަ އަހަރެވެ. އަރަބިއަން ޓްރެވަލް މާކެޓަކީ މެދުއިރުމަތީގައި ވަރަށް މަޝްހޫރުކަން ހޯދާފައިވާ ޕްރިމިއާ ޕްލެޓްފޯމެކެވެ. މި ހަރަކާތުގެ ބޭނުމަކީ ދުނިޔޭގެ އެކި ކަންކޮޅުތަކުން ފަތުރުވެރިކަމުގެ ދާއިރާގެ މާހިރުން އެއްތަނަކުން ބައްދަލުވެ، ގުޅުން ގާއިމުކޮށް އައު ވިޔަފާރީގެ ފުރުސަތުތައް ހޯދައިދިނުމެވެ.

މިފެއަރގައި އެމްއެމްޕީއާރްސީން ދަނީ ކޮންމެ އަހަރަކުވެސް ބައިވެރިވަމުންނެވެ. އެގޮތުން މިދިޔަ އަހަރު އޭޓީއެމްގައި، އެމްއެމްޕީއާރުސީއާއިއެކު ފަތުރުވެރިކަމުގެ ދާއިރާގައި މަސައްކަތްކުރާ 253 މަންދޫބުން ބައިވެރިވެއެވެ.