Read Time:3 Minute, 23 Second
ސްޕެއިންގެ ރެއާލް މެޑްރިޑުގެ ހަތަރު ކުޅުންތެރިޔަކު ކުޅިވަރުގެ ރޫހާއި ޚިލާފު އަމަލުތަކެއް ކޮށްފައިވާ މައްސަލައެއް ބެލުމަށްފަހު، ޔުއެފާއިން އޭގެ ތެރެއިން ތިން ކުޅުންތެރިއަކު ޖުރިމަނާކޮށްފިއެވެ. ޔުއެފާ ޗެމްޕިއަންސް ލީގުގެ ދެވަނަ ބުރުގައި އެތުލެޓިކޯ މެޑްރިޑާ ދެކޮޅަށް ރެއާލް މެޑްރިޑް ކުޅުނު މެޗުގައި އެ ޓީމުގެ ހަތަރު ކުޅުންތެރިން ކަމުގައިވާ އެންޓޯނިއޯ ރުޑިގާ އާއި ކިލިއަން އެމްބާޕޭ އާއި ވިނީޝިއުސް ޖޫނިއަރގެ އިތުރުން ޑެނީ ސެބަޔޮސް ކުޅިވަރުގެ ރޫހާއި ހިލާފު އަމަލުތަކެއް ކޮށްފައިވާ މައްސަލަބަލަން ފަށާފައިވަނީ މިދިޔަ މަހު އެވެ. ޔުއެފާއިން މި މައްސަލަ ބަލަން ފަށާފައިވަނީ އެތުލެޓިކޯ މެޑްރިޑްގެ ރިޔާދު އެއަރ މެޓްރޮޕޮލިޓާނޯ ސްޓޭޑިއަމްގައި ކުޅުނު މެޗުން ޕެނަލްޓީ ޖަހައިގެން ރެއާލް މެޑްރިޑް މޮޅުވި މެޗަށްފަހު އުފާފާޅުކުރުމުގެ ތެރޭގައި މި ކުޅުންތެރިންގެ އަމަލުތައް ހުރި ގޮތުންނެވެ.
ޔުއެފާއިން އިއްޔެ ނެރެފައިވާ ބަޔާނެއްގައި ބުނެފައިވާ ގޮތުގައި މި މައްސަލަ ބެލުމަށްފަހު އެ އިދާރާގެ ޑިސިޕްލިނަރީ ކޮމިޓީން ބްރެޒިލްގެ ވިނީޝިއުސްއާ މެދު އެއްވެސް ފިޔަވަޅެއް އަޅާފައެއް ނުވެއެވެ. ނަމަވެސް އެމްބާޕޭ އާއި ރުޑިގާގެ އިތުރުން ސެބަޔޮސް، ޔޫއެފާގެ އާންމު އުސޫލުތަކާއި ހިލާފުވެފައިވާ ކަމަށް ބުނެ އެ ތިން ކުޅުންތެރިން ވަނީ ޖުރިމަނާކޮށްފައެވެ. އެގޮތުން ކިލިއަން އެމްބާޕޭ އެއް މެޗަށް ސަސްޕެންޑްކޮށް 25 ހާސް ޕައުންޑުން ޖުރިމަނާކޮށްފައިވާއިރު، ރުޑިގާ ވަނީ އެއް މެޗަށް ސަސްޕެންޑްކޮށް 35 ހާސް ޕައުންޑުން ޖުރިމަނާކޮށްފައެވެ. އަދި ސެބަޔޮސް ވަނީ 17 ހާސް ޕައުންޑުން ޖުރިމަނާކޮށްފައެވެ.
ސްޕެއިންގެ ރެއާލް މެޑްރިޑް ދެން އެންމެ އަވަހަށް ޔުއެފާ ޗެމްޕިއަންސް ލީގުގައި މެޗެއް ކުޅޭނީ މި މަހުގެ 16 ވަނަ ދުވަހު ކުއާޓަރ ފައިނަލުގެ ފުރަތަމަ ލެގުގައި އާސެނަލްއާ ދެކޮޅަށެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0