Read Time:2 Minute, 59 Second
(ފޮޓޯ ކްރެޑިޓްސް: ވަގުތު)
މި އަހަރުގެ މިހާތަނަށް ރާއްޖެ އައި ފަތުރުވެރިންގެ އަދަދު 600،000 އަށްވުރެ މައްޗަށް އަރައިފިއެެވެ. ފަތުރުވެރިކަމާއި ބެހޭ ވުޒާރާއިން އާއްމުކޮށްފައިވާ އެންމެ ފަހުގެ ތަފާސްހިސާބުތައް ދައްކާގޮތުން މި މަހުގެ އެއް ވަނަ ދުވަހާ ހަމައަށް ރާއްޖެއަށް، 632،418 ފަތުރުވެރިން އައިސްފައިވެއެވެ. މިދިޔަ އަހަރުގެ މި މުއްދަތުގައި ރާއްޖެ އައިސްފައި ވަނީ 604،004 ފަތުރުވެރިންނެވެ. މިދިޔަ އަހަރާއި އަޅާ ބަލާއިރު، މި އަހަރުގެ މި މުއްދަތުގައި ރާއްޖެއަށް އައި ފަތުރުވެރިންގެ އަދަދު 4.7 އިންސައްތަ އިތުރެވެ. ތަފާސްހިސާބުތައް ދައްކާގޮތުން ނިމިދިޔަ މާޗް މަހުގައި 203،464 ފަތުރުވެރިން އައިސްފައި ވެއެވެ.
މިއަހަރުގެ މިހާތަނަށް ރާއްޖެއަށް އެންމެ ގިނަ ފަތުރުވެރިން ޒިޔާރަތްކުރީ ޗައިނާއިންނެވެ. އެ ގައުމުން ރާއްޖެއަށް 73،997 ފަތުރުވެރިން އައިސްފައިވާއިރު، އެ ލިސްޓުގެ ދެވަނައިގައި މިހާރު އޮތް ރަޝިޔާއިން 66،933 ފަތުރުވެރިން އައިސްފައި ވެއެވެ. އަދި 65،404 ފަތުރުވެރިންނާއެކު ތިންވަނައަށް އެންމެ ގިނައިން ފަތުރުވެރިން އައިސްފައިވާ ކަމަށް ދައްކަނީ އިނގެރޭސިވިލާތުންނެވެ. އެ ވުޒާރާގެ ތަފާސް ހިސާބުތައް ދަައްކާ ގޮތުން ރާއްޖެ އަންނަަ ފަތުރުވެރިންގެ ތެރެއިން 69.2 އިންސައްތަ މީހުން ދަނީ ރިސޯޓްތަކަށެވެ. އަދި 25.3 އިންސައްތަ މީހުން ގެސްޓްހައުސްތަކަށް ދާއިރު، ހޮޓަލްތަކަށް ދަނީ 2.9 އިންސައްތަ މީހުންނެވެ.
ރާއްޖޭގެ ޖުމްލަ 175 ރިސޯޓެއް ފަތުރުވެރިންނަށް ހުޅުވާލާފައިވާއިރު، 838 ގެސްޓުހައުސް ހިންގަމުން އެބަދެއެވެ. އަދި ފަތުރުވެރިކަމުގެ ހިދުމަތްދޭ 157 ސަފާރީ އޮޕަރޭޓް ކުރަމުން ދެއެެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0