Read Time:3 Minute, 46 Second
(ފޮޓޯ ކްރެޑިޓްސް: ވަގުތު)
ރައީސް ޑރ. މުހައްމަދު މުއިއްޒު، ވެރިކަމާ ހަވާލުވެވަޑައިގެންނެވި ފަހުން ގެންދަވަނީ ރައްޔިތުންގެ ކަންކަމުގައި ރެއާއި ދުވާލު ހާއްސަ ސަމާލުކަމެއް ދެއްވާ ކަމަށް އިކޮނޮމިކް މިނިސްޓަރު މުހައްމަދު ސައީދު ވިދާޅުވެއްޖެއެވެ. ހއ. އުތީމުގައި އޭޓީއެމް ހުޅުވުމުގެ ރަސްމިއްޔާތުގައި ވާހަކަ ދައްކަވަމުން ސައީދު ވިދާޅުވީ ރައީސް ޑރ. މުއިއްޒު ވެެރިކަމާ ހަވާލުވެވަޑައިގެންނެވުމަށް ފަހު ރެއާއި ދުވާލު ރައްޔިތުންގެ ކަންކަމަށް އެމަނިކުފާނު ހާއްސަ ސަމާލުކަމެއް ދެއްވާ ކަމަށެވެ.
“ވަރަށް ކުޑަ ވަގުތުކޮޅެއްގައި އެމަނިކުފާނު އަވަހާރަޕުޅުލައްވަނީ. ވަރަށް ގިނަ މަސައްކަތްތަކެއް އެމަނިކުފާނު ވެރިކަމާ ހަވާލުވެޑައިގެންނެވި އިރު، މުޅިން އޮޅުން ބޮޅުން އަރާފައި ހުރީ. މުޅި ރާއްޖެ އޮތީ ދަރަނީގެ ދަންތުރައެއްގައި. ވަރަށް ބޮޑަށް ގޯސްވެ ދެންމެ ދެންމެ ދަރާވިކި ދާނެ ހާލަތެއްގައި އޮތީ.” ސައީދު ވިދާޅުވިއެވެ.
ސައީދު ވިދާޅުވީ އެ މައްސަލަތައް ހައްލުކުރައްވަމުން އެމަނިކުފާނު ގެންދަވަނީ ރަށްރަށުގެ އެފަދަ މުހިން،މު ވަސީލަތްތައް ރައްޔިތުންނާ ހަމައަށް ވަރަށް ބާރު ސްޕީޑްގައި ގެނެސް ދެއްވަމުން ކަމަށެވެ. އޭޓީއެމް އެހާ އަވަހަށް ބެހެއްޓިދާނެ ކަމަށް ބަޔަކު ގަބޫލެއް ނުކުރާނެ ކަމަށާއި އެހެން ނަމަވެސް މިހާރު ކުޑަ ރަށެއް ބޮޑު ރަށެއް ބާކީ ނުވާނެ ގޮތަށް އޭޓީއެމްގެ ހިދުމަތް ފެށި އެ ހިދުމަތް ދެމުން އަންނަ ކަމަށް ސައީދު ވިދާޅުވިއެވެ. މި އަހަރު ނިމެންވާއިރަށް ރާއްޖޭގެ ހުރިހާ ރަށެއްގައި ބީއެމްއެލްގެ އޭޓީއެމްއެއް ބެހެއްޓުމަކީ ސަރުކާރުގެ އަމާޒެކެވެ. އަދި މި އަހަރު ނިމުމުގެ ކުރިން، ރާއްޖޭގައި 250 އަށްވުރެ ގިނަ އޭޓީއެމް ގާއިމުކުރުމަކީ ބީއެމްއެލްގެ އަމާޒެކެވެ.
ރައްޔިތުންގެ ކަންކަން ގާތުން ބައްލަވާ ކަމަށް ސައީދު ވިދާޅުވި އިރު، ތެލެސީމިއާ ކުދިންނަށް ދިމާވި ދަތިތައް ހައްލުކޮށްދެއްވުމަށް އެމަނިކުފާނު ނުކުމެ ވަޑައިގެން ވަނީ މުހިންމު ފިޔަވަޅުތަކެއް އަޅުއްވައިފައެވެ. އަދި އެ ސެންޓަރަށް ޒިޔާރަތްކޮށް ކުދިންގެ ހާލު ގާތުން ބެއްލެވިއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0