Read Time:3 Minute, 15 Second
(ފޮޓޯ ކްރެޑިޓްސް: ވަގުތު)
މާލޭގެ ހުރިހާ ކާނުތައް ސާފުކުރުމުގެ މަސައްކަތް 6 މަސް ދުވަސްތެރޭ ނިމޭނެކަމަށް ސިޓީތަކާއި އިދާރީ ދާއިރާތައް ހިންގުމާއި، އާންމު މަސައްކަތްތަކާ ބެހޭ ވަޒީރު އާދަމް ޝަރީފް އުމަރު ވިދާޅުވެއްޖެއެވެ. މާލޭ މަގުތަކުގެ ކާނުތައް ސާފުކުރުމުގެ މަސައްކަތް ސިޓީތަކާއި އިދާރީ ދާއިރާތައް ހިންގުމާއި، އާންމު މަސައްކަތްތަކާ ބެހޭ ވުޒާރާއިން ފެށީ މިއަދެވެ.
މި މަސައްކަތަކާއި ގުޅޭގޮތުން ޕީއެސްއެމަށް ދެއްވި އިންޓަވިއުގައި ވަޒީރު ވިދާޅުވީ މި މަސައްކަތަކީ މުޅި މާލޭގެ ކާނުތައް ސާފުކުރުމުގެ މަސައްކަތަކަށްވުމުން މަސައްކަތް އެއްކޮށް ނިންމާލުމަށް 6 މަސް ދުވަސް ނަގާނެކަމަށް ލަފާ ކުރެވޭ ކަމަށެވެ.
(ފޮޓޯ ކްރެޑިޓްސް: ވަގުތު)
އާދަމް ޝަރީފް ވިދާޅުވީ މާލޭގެ ކާނުތަށް ސާފް ކުރުމުގެ މަސަތްކަތަކީ ރައްޔިތުނަށް ވެފައިވާ ތަކުލީފުތައް ކުޑަކުރުމަށް ކުރާ މަސަތްކަތެއް ކަމަށެވެ. އަދި މި މަސައްކަތުގައި ހީވާގި ޓީމެއް ހަރަކާތްތެރިވާނެ ކަމަށް ވެސް ވަޒީރު ވިދާޅުވިއެވެ. މާލޭގެ މަގުތަކުގައި ފެންބޮޑުވާ މައްސަލައަކީ މާލޭގެ ރައްޔިތުންނަށް ދިމާވެފައިވާ އެންމެ ބޮޑު އެއް މައްސަލައެވެ. ވާރޭވެހޭ ކޮންމެ ފަހަރަކު މަގުތަކުގައި ފެންބޮޑުވެގެން ފެންހިންދުމުގެ މަސައްކަތް ސިފައިންނާއި، ފުލުހުންނާއި، ވުޒާރާގެ ޕަބްލިކް ވާރކްސް ޔުނިޓުގެ މުވައްޒަފުން ކުރަން ޖެހެއެވެ.
ރައީސުލްޖުމްހޫރިއްޔާ ޑރ. މުޙައްމަދު މުޢިއްޒުގެ އިރުޝާދުގެ މަތިން، ފެން ބޮޑުވުމުގެ މައްސަލަ ހައްލު ކުރުމަށް ސަރުކާރުގެ އެކި އިދާރާތަކުން މިހާރުވެސް އަންނަނީ ގިނަގުނަ މަސައްކަތްތަކެއް ކުރައްވަމުންނެވެ. ދާދި ފަހުން މާލޭ ސިޓީ ކައުންސިލުން ވަނީ 6 ޖީއެސްޓީސީ މޫވްމަންޓުގެ ދެ ޕަމްޕް ގެނެސް ބޭނުން ކުރަން ވެސް ފަށައިފައެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0