Read Time:2 Minute, 44 Second
(ފޮޓޯ ކްރެޑިޓްސް: ވަގުތު)
ދުރު މަންޒިލްތަކަށް ދަތުރުތައް ކުރަން ރާއްޖޭގެ ގައުމީ އެއާލައިން، މޯލްޑިވިއަން އިން އޭ330-200 ގެ އެއާބަސްގެ އިތުރު ބޯޓެއް ހޯދަން ކުރި އިއުލާނުގެ މުއްދަތު އިތުރު ކޮށްފިއެވެ. މޯލްޑިވިއަން ހިންގާ އައިލެންޑް އޭވިއޭޝަން ކުންފުނިން މަތިންދާބޯޓު ހޯދަން އެންމެ ފުރަތަމަ އިއުލާނު ކޮށްފައިވަނީ ފެބްރުއަރީ މަހުގެ 6 ވަނަ ދުވަހުއެވެ. މިއިއުލާނުގެ މުއްދަތު ހަމަވުމާއި އެކީ މޯލްޑިވިއަނުން ވަނީ އިއުލާނުގެ މުއްދަތު މިމަހުގެ 14 ވަނަ ދުވަހުގެ 23:59 އަކާއި ހަމައަށް އިތުރު ކޮށްފައެވެ.
މޯލްޑިވިއަން ހިންގާ އައިލެންޑް އޭވިއޭޝަން ކުންފުނިން ނެރުނު އިއުލާނުގައި ބުނީ އެއާބަސް އޭ330-200 މަރުކާގެ މަތިންދާބޯޓެއް ކުއްޔަށް ދޭނެ ފަރާތެއް ހޯދަން އިއުލާން ކުރާ ކަމަށެވެ. އިއުލާނުގައި ބުނެފައިވަނީ އެ ބޯޓު ކުއްޔަށް ނަގަން ބޭނުންވަނީ ލީސްއަށް ފަސް އަހަރުގެ މުއްދަތަށް ކަމަށެވެ. މޯލްޑިވިއަން އިން އޭ330-200ގެ ފުރަތަމަ ރާއްޖެ ގެނެސްފައި ވަނީ ޖެނުއަރީ މަހުއެވެ. އެ ބޯޓުން ދަނީ ޗައިނާގެ ސިޓީތަކަށް ދަތުރުތައް ކުރަމުންނެވެ. މި އިއުލާނުގެ މުއްދަތު އިތުރުކޮށްފައިވާއިރު، ސަރުކާރުން މިހާރު ނިންމަފައި ވަނީ އިތުރު ވައިޑް ބޮޑީ އެއަރކްރާފްޓެއް މި އަހަރުގެ އޮކްޓޫބަރުގައި ގެނައުމަށެވެ.
ރިޔާސީ ބަޔާން އިއްވަމުން ރައީސް ޑރ. މުހައްމަދު މުއިއްޒު ވިދާޅުވީ، މިކަމުގެ ސަބަބުން ޔޫރަޕުގެ ބައެއް މަންޒިލްތަކަށްވެސް، ގައުމީ އެއަރލައިންގައި ސީދާ ރާއްޖޭން އުދުހެން ފެށޭނެ ކަމަށެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0