Read Time:3 Minute, 34 Second
(ފޮޓޯ ކްރެޑިޓްސް: މިހާރު)
އަތޮޅުތެރޭގެ ލޯންޗްތަކާއި ފެރީތަކުން މާލެއަށް ދާ ފަރާތްތަކަށް އާޓާމިނަލްތައް ހަމަޖައްސައިދެއްވުމުން އއ. ތޮއްޑޫ ކައުންސިލްގެ ރައީސް، އަހުމަދު ކަރަމް، ރައީސް ޑރ. މުހައްމަދު މުއިއްޒުއަށް ޝުކުރު އަދާކުރައްވައިފިއެވެ. އެމްޓީސީސީން މިއަދު ނެރުނު ބަޔާނެއްގައި ވިދާޅުވީ، ރަށްރަށުން މާލެއަށް ދަތުރު ކުރާ ރައްޔިތުންނަށް ލުއި ފަސޭހަ ގޮތްތަކެއް ހަމަޖެއްސުމުގެ ގޮތުން، މާލެއާއި އަތޮޅުތަކާއި ދެމެދު ލޯންޗް ފެރީ އޮޕަރޭޓް ކުރާ ފަރާތްތަކުން ލަފާ ފުރުމަށްޓަކައި މި ދެ ޓާމިލްގެ ބަނދަރު ބޭނުން ކުރުމަށް ހުޅުވާލުމަށް ގަސްދު ކުރާ ކަމަށެވެ.
މިކަމާއި ގުޅިގެން ކުރެއްވި ޕޯސްޓެއްގައި ކަރަމް ވިދާޅުވީ، ކުރީ ދެ ސަރުކާރުގައި މިކަން ކުރަން ގިނަ އިދާރާތަކާއެކު ވާހަކަ ދެކެވުނު ކަމަށާ އެކަމަކު ނުވި ކަމަށެވެ. އެހެން ކަމުން އެކަން މިސަރުކާރުން ހަމަޖައްސައި ދެއްވުމުން ކަރަމް ވަނީ ރައީސް މުއިއްޒުއަށް ޝުކުރު އަދާ ކުރައްވާފައެވެ. އެމްޓީސީސީން ގަސްދުކޮށްފައިވަނީ މާލޭ ހެންވޭރު ޓާމިނަލް އާއި ހުޅުމާލޭ ޓާމިނަލް ލޯންޗްތަކާއި ފެރީތަކަށް ހުޅުވާލުމަށެވެ. އެމްޓީސީސީން ބުނީ، މި ފަޅު ބޭނުން ކުރުމަށް ޝައުގުވެރިވެލައްވާ ފަރާތްތަކުން މިމަހުގެ 10 ވަނަ ދުވަހުގެ 14:00 ގެ ކުރިން އެކުންފުނީގެ އީމެއިލް މެދުވެރިކޮށް ޝައުގުވެރިކަން ހުށަހެޅުމަށެވެ.
ލޯންޗް ފެރީތަކަސް ހެންވޭރު ޓާމިނަލް އާއި ހުޅުމާލޭ ޓާމިނަލް ހުޅުވާލުމުގެ މަސައްކަތް އެމްޓީސީސީން ފެށިއިރު، އާންމު ގޮތެއްގައި ރަށްރަށަށް ދަތުރު ކުރާ ލޯންޗް ފަހަރުތައް މިހާރު ކައިރި ކުރަނީ ޖުމްހޫރި މައިދީން ކުރިމަތީ ބަނދަރަށެވެ. މި ބަނދަރަށް އެއްފަހަރާ ގިނަ އަދަދެއްގެ ލޯންޗްތައް ކައިރި ކުރުމުން އަރާ ފައިބާ ފަރާތްތަކަށް އުނދަގޫތަކެއް ކުރިމަތިވެއެވެ. އެމްޓީސީސީން މިއަދު ގެންނަން ނިންމި ބަދަލަކީ ސީދާ ރައީސް ޑރ. މުހައްމަދު މުއިއްޒުގެ އިރުޝާދުގެ ދަށުން ގެންނެވި ބަދަލެއް ކަން ފާހަގަކޮށްލަން ޖެހެއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0