އދ. ގެ ޓޫރިޒަމް ސަމިޓުގައި ރާއްޖެއިން ބައިވެރިވެއްޖެ

Read Time:4 Minute, 53 Second

(ފޮޓޯ ކްރެޑިޓްސް: ޓޫރިޒަމް މިނިސްޓްރީ)

ޖަރުމަނުވިލާތުގައި ބޭއްވުނު ޔޫއެން ޓޫރިޒަމް މިނިސްޓަރުންގެ ސަމިޓުގައި ރާއްޖެ ބައިވެރިވެއްޖެއެވެ. ދުނިޔޭގެ ފަތުރުވެރިކަމުގެ ސިނާއަތު ކުރިއެރުވުމަށް ބޭއްވުނު މި ސަމިޓުގައި ރާއްޖޭގެ ޓޫރިޒަމް އެންޑް އެންވަޔަރަމަންޓް މިނިސްޓަރު ތޯރިގް އިބްރާހީމް ބައިވެރިވެވަޑައިގެންނެވިއެވެ. މި މުހިންމު ސަމިޓުގައި ދުނިޔޭގެ ފަތުރުވެރިކަމުގެ ސިނާއަތު އިތުރަށް ވަރުގަދަކުރުމާއި، އިންވެސްޓްމަންޓްތައް އިތުރުކުރުމާ ގުޅޭ ގޮތުން ފުޅާ ދާއިރާއެއްގައި މަޝްވަރާކުރެވުނެވެ. މިނިސްޓަރު ތޯރިގް ވަނީ ރާއްޖޭގެ ފަތުރުވެރިކަމުގެ ދާއިރާގައި އިންވެސްޓްމަންޓް އިތުރުކުރުމާއި، އަމާންކަން ޤާއިމުކުރުމުގެ މުހިންމުކަމާއި، އަދި ގްލޯބަލް ޓޫރިޒަމް ރެސިލިއަންސް ވަރުގަދަކުރުމާ ގުޅޭ ގޮތުން ޚިޔާލު ބަދަލުކުރައްވާފައެވެ.

ދުނިޔޭގެ އެކި ގައުމުތަކުގެ ޓޫރިޒަމް މިނިސްޓަރުންނާއި އިސްވެރިން ބައިވެރިވެވަޑައިގެންނެވި މި ބައްދަލުވުމަކީ ބައިނަލްއަގްވާމީ ފަތުރުވެރިކަމުގެ ސިނާއަތު ކުރިއެރުވުމަށް އެޅޭ މުހިންމު ފިޔަވަޅެއްގެ ގޮތުގައި ފާހަގަކުރެވެއެވެ.

(ފޮޓޯ ކްރެޑިޓްސް: ޓޫރިޒަމް މިނިސްޓްރީ)

ބާލިންގައި ކުރިއަށްދާ އައިޓީބީ 2025 ގައިވަޒީރު ތޯރިގް ވަނީ އެކި އެއާލައިންތަކާއި އޭވިއޭޝަން ދާއިރާގެ މުހިންމު ފަރާތްތަކާ ބައްދަލުކުރައްވައިފައެވެ. މިގޮތުން މިނިސްޓަރު ތޯރިގް ވަނީ ޑްނާޓާއާ ބައްދަލުކުރައްވައި، ރާއްޖޭގެ ފަތުރުވެރިކަމުގެ ދާއިރާއަށް އޭވިއޭޝަން ޚިދުމަތްތައް ފުޅާކޮށް، ޕާޓްނަޝިޕްތައް ވަރުގަދަކުރުމާ ގުޅޭގޮތުން މަޝްވަރާކުރައްވާފައެވެ.

އަދި ކޮންޑޯ އެއާލައިންއާއެކު ބޭއްވުނު ބައްދަލުވުމުގައި ރާއްޖެއަށް ސީދާ ދަތުރުތައް އިތުރުކުރުމާއި، އާ ފުރުސަތުތައް ހޯދުމާ ގުޅޭގޮތުން މަޝްވަރާކުރެވުނެވެ. މީގެއިތުރުން ގަތަރު އެއަވޭޒްއާއެކު ބޭއްވުނު ބައްދަލުވުމުގައި ރާއްޖެއާ ދެމެދު އެއަރ ކަނެކްޓިވިޓީ އިތުރުކޮށް، ދަތުރުފަތުރުގެ ފުރުސަތުތައް ފަހިކުރުމަށް ސްޓްރެޓެޖިކް ޕާޓްނަޝިޕްތަކާ ގުޅޭގޮތުން މަޝްވަރާކުރެވުނެވެ.

(ފޮޓޯ ކްރެޑިޓްސް: ޓޫރިޒަމް މިނިސްޓްރީ)

ފާހަގަކޮށްލެވޭ ގޮތުގައި، މި ސަމިޓަކީ ކޮވިޑް-19 ބަލިމަޑުކަމަށްފަހު ދުނިޔޭގެ ފަތުރުވެރިކަމުގެ ސިނާއަތު އަލުން އާރާސްތުކޮށް، ދެމެހެއްޓެނިވި ގޮތެއްގައި ކުރިއެރުވުމަށް ބާރުއެޅުމުގެ ގޮތުން ބޭއްވުނު އެންމެ މުހިންމު އެއް ބައްދަލުވުމެވެ. ސަމިޓުގައި ޚާއްޞަ އަހައްމިއްޔަތުކަމެއް ދެވުނީ ތިމާވެށްޓާ ރައްޓެހި ފަތުރުވެރިކަމެއް ކުރިއެރުވުމާއި، ޑިޖިޓަލް ޓެކްނޮލޮޖީގެ ބޭނުން އިތުރަށް ހިފުމާއި، އަދި ދެމެހެއްޓެނިވި ތަރައްޤީގެ ލަނޑުދަނޑިތައް ހާސިލުކުރުމަށެވެ.