Read Time:3 Minute, 16 Second
(ފޮޓޯ ކްރެޑިޓްސް: ވަގުތު)
އެއްގަމު އުޅަނދު ދުއްވުމުގެ ތިއަރީ އިމްތިހާނު ދެން ކުރިއަށްގެންދާނީ ޓްރާންސްޕޯޓް މިނިސްޓްރީން ކަމަށް އެ މިނިސްޓްރީން ވިދާޅުވެއްޖެއެވެ. އެ މިނިސްޓްރީން ކުރި އިއުލާނެއްގައި ވަނީ ރައްޔިތުންނަށް ފޯރުކޮށްދެމުންދާ ޚިދުމަތްތަކުގެ ތެރެއިން، އެއްގަމު އުޅަނދު ދުއްވުމުގެ ލައިސަންސްގެ ތިއަރީ އިމްތިޙާނު، މިއަދުން ފެށިގެން ކުރިޔަށް ގެންދިޔުމަށް ހަމަޖެހިފައިވަނީ މިނިސްޓްރީ އޮފް ޓްރާންސްޕޯޓް އެންޑް ސިވިލް އޭވިއޭޝަނުން ކަމަށެވެ. އެ ނިންމުމާ ގުޅިގެން މާލެ ސަރަހައްދުން ތިއަރީ ޓެސްޓަށް އެދި ސަވާރީ އިންފޮމޭޝަން މެނޭޖްމަންޓް ސިސްޓަމް (ސިމްސް) މެދުވެރިކޮށް ހުށަހަޅާއިރު ތިއަރީ އިމްތިހާނު ހަދާ ސެންޓަރެއްގެ ގޮތުގައި އިހުތިޔާރުކުރަން ޖެހޭނީ އެ މިނިސްޓްރީއެވެ.
މީގެ ކުރިން ތިއަރީ އިމްތިހާން ކުރިއަށް ގެންދިޔައީ ޕޮލިޓެކްނިކުންނެވެ. އެއްގަމު އުޅަނދުގެ ލައިސަންސް ނަގާއިރު ތިއަރީ އިމްތިހާންގެ އިތުރުން ޑްރައިވިން ޓެސްޓެއް ވެސް ހަދަން ޖެހެއެވެ. އެއްގަމު އުޅަނދު ދުއްވުމުގެ ތިއަރީ އިމްތިހާނު ޓްރާންސްޕޯޓް މިނިސްޓްރީން ކުރިއަށް ގެންދަން ނިންމާފައިވާއިރު މާލެ ސަރަހައްދަށް އެއްގަމު އުޅަނދު އިތުރުވަމުން ދިޔަ މިންވަރު ވަރަށް ބޮޑުތަނުން ސަރުކާރުން ވަނީ ދަށްކޮށްފައެވެ.
މިނިސްޓްރީގެ ތަފާސްހިސާބުތަކުން ދައްކާގޮތުގައި، މި ގެނެވުނު ބަދަލުގެ ނަތީޖާއެއްގެ ގޮތުން 2023 ވަނަ އަހަރާ އަޅާބަލާއިރު 2024 ވަނަ އަހަރުގެ އޮކްޓޯބަރު މަހުގެ 31 ވަނަ ދުވަހާއި މާލޭ ސަރަޙައްދަށް ރަޖިސްޓަރީ ކުރެވުނު ހަތަރު ފުރޮޅުލީ އުޅަނދު ރަޖިސްޓަރީކުރުމުގެ ނިސްބަތް %74.1 މިހާރު ދަށްވެފައި ވެއެވެ.
މިއީ މާލޭގެ ޓްރެފިކް ޙާލަތު ރަނގަޅުކުރުމަށް އެޅުނު މުހިންމު ފިޔަވަޅެއް ކަަމަށް އެ މިނިސްޓްރީން ވިދާޅުވެއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0