Read Time:2 Minute, 10 Second
އަމާޒަކީ މި ހިނގާ މާޗް މަހުގެ 10 ގެ ނިއަލަށް ރޯދަ ހަދިޔާ ބަހައި ނިންމުން ކަމަށް ސިޓީތަކާއި އިދާރީ ދާއިރާތައް ހިންގުމާއި އާންމު މަސައްކަތްތަކާ ބެހޭ ވަޒީރު އާދަމް ޝަރީފް އުމަރު ވިދާޅުވެއްޖެއެވެ. އެ މަނިކުފާނު މިހެން ވިދާޅުވީ މިއަދު އެކްސްގައި ކުރެއްވި ޕޯސްޓެއްގައެވެ. މި ޕޯސްޓްގައި ވަޒީރު އިތުރަށް ވިދާޅުވެފައި ވަނީ ހުވަދު އަތޮޅުގެ ދެ ބުރިއަށް މާދަމާ ރޯދަ ހަދިޔާގެ ގޮތުގައި ބަހައި މަސްދަޅު ކޭސް ލިބިލައްވާނެ ކަމަށެވެ. އޭރުން ރާއްޖޭގެ ހުރިހައި ހިސާބަކަށް ރޯދަ ހަދިޔާ ފޯރުކޮށްދެވުނީ ކަމަށް ވަޒީރު އެ ޕޯސްޓްގައި ވިދާޅުވެފައި ވެއެވެ.
ރޯދަ ހަދިޔާއާ ބެހޭ ގޮތުން ވަޒީރު ކުރެއްވި ޕޯސްޓާއެކު ރޯދަ މަހު މާލޭގައި ރޯދަ ހަދިޔާ ބެހުމަށް ހަމަޖެހިފައިވާ ގަޑިތަކާއި ތަންތަން ހާމަކޮށް ވުޒާއިން ކޮށްފައިވާ ޕޯސްޓް ވެސް ހިމަނުއްވައިފައި ވެއެވެ. މާލެއާއި، ވިލިމާލެ އަދި ހުޅުމާލޭގައި ވެސް މި ރޯދަ މަހު ރޯދަ ހަދިޔާ ބަހަނީ ރޭގަނޑު 9.30 އިން 11.30 އަށެވެ. ރޯދަ ހަދިޔާއަކީ ރައީސުލްޖުމްހޫރިއްޔާ ޑރ. މުހައްމަދު މުއިއްޒުގެ ޒައާމަތުގައި ބަހަންފައްޓާފައިވާ ހަދިޔާއެކެވެ. އެ ގޮތުން މި އަހަރު ބަހަމުން އަންނަނީ މަސްދަޅު ކޭހެެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0