Read Time:2 Minute, 59 Second
އިންޓަރނޭޝަނަލް އެއިޑް ކެމްޕެއިން (އައިއޭސީ)އިން އެ ޖަމިއްޔާގެ އޮޑިޓް ރިޕޯޓްތައް ނެރެން ފަށައިފިއެވެ. އާންމު ރައްޔިތުންގެ އެހީއާއިއެކު ހިންގަމުންދާ އައިއޭސީއިން ވަނީ އަންނަ ހުކުރު ދުވަހުގައި ޣައްޒާގެ ރައްޔިތުންނަށް ބޮޑު ޖާފަތެއް ބޭއްވުމަށް މަސައްކަތްކުރަމުންދާކަން އިއުލާނުކޮށްފައެވެ. އަދި އެ ޖާފަތަށް ޑޮނޭޓްކޮށްދިނުމަށް އެދިފައެވެ. އެ ޕޯސްޓުގައި ގިނަ ބަޔަކު ވަނީ އެ ޖަމިއްޔާއިން އަދިވެސް އޮޑިޓް ރިޕޯޓްތައް ހާމަނުކުރާކަމަށް ހާމަކޮށްފައެވެ.
އެ ކޮމެންޓްތަކާއި ގުޅިގެން އިންޓަނޭޝަނަލް އެއިޓް ކެމްޕޭނުން ވިދާޅުވީ މިހާރު އޮޑިޓް ރިޕޯޓްތައް އާންމުކުރަމުންދާ ކަމަށެވެ. އެގޮތުން 2021 ވަނަ އަހާރާއު 2022 ގެ އޮޑިޓް ރިޕޯޓްތައް މިހާރު އާންމުކޮށްފައިވާނެ ކަމަށެވެ. އަދި 2023 ގެ އޮޑިޓް ރިޕޯޓް ވެސް ވަރަށް އަވަހަށް އާންމުކުރާނެ ކަމަށް އެ ކެމްޕެއިންއިން ވިދާޅުވެއެވެ. އިންޓަނޭޝަނަލް އެއިޑް ކެމްޕޭނަށް ޑޮނޭޓްކުރާ ފައިސާއަށް ވާގޮތް ނޭންގޭތީ ގިނަ ބަޔަކު އެންމެ ބޮޑަށް ކަންބޮޑުވުން ފާޅުކުރީ 2023 ވަނަ އަހަރުގައި ގައްޒާއަށް އެހީވުމަށް އައިއޭސީއިން ހިންގި ބޮޑު ކެމްޕެއިނާއި ގުޅިގެނެވެ. އެ ކަންބޮޑުވުންތަކާއި ގުޅިގެން އައިއޭސީއިން ވިދާޅުވީ ވަރަށް އަވަހަށް އޮޑިޓްތައް އާންމުކުރާނެ ކަމަށެވެ.
އައިއޭސީއިން މިހާރު އާންމުކޮށްފައިވާ އޮޑިޓް ރިޕޯޓުތައް ދައްކާގޮތުން 2021 ވަނަ އަހަރު އެ ޖަމިއްޔާ އަށް 31.4 މިލިއަނަށް ވުރެ ގިނަ ރުފިޔާ ލިބިފައިވެއެވެ. އަދި 2022 ވަނަ އަހަރު 20.4 މިލިއަނަށް ވުރެ ގިނަ ރުފިޔާ ވަނީ ލިބިފައެވެ. އެ ފައިސާ ހަރަދު ކުރި ގޮތުގެ ތަފްސީލް އޮޑިޓްގައި ހާމަކޮށްފައިވެއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0