Read Time:4 Minute, 38 Second
މެލޭޝިއާ އިން ގެއްލިގެން ހޯދި އަހްމަދު އުސައިދް އިބްރާހިމް އަފީފް ހުރީ މެލޭޝިއާ ފުލުހުންގެ ބެލުމުގެ ދަށުގައި ކަން އެނގިއްޖެއެވެ. މިދިޔަ އާދިއްތަ ދުވަހުން ފެށިގެން ގެއްލިގެން ހޯދަމުން އަންނަ އުސައިދަކީ ރައްޔިތުންގެ ހާއްސަ މަޖިލިހުގެ ބ. އަތޮޅު ދާއިރާގެ މެމްބަރު އިބްރާހިމް އަފީފްގެ ދަރިފުޅެވެ. އަފީފް ރޭ ކުރެއްވި ޕޯސްޓެއްގައި ވިދާޅުވީ އާދިއްތަ ދުވަހުގެ 15:15 ގެ ފަހުން ސަންވޭ ޖިއޯއިން ނުކުމެގެން އުސެއިދު ދިޔަގޮތަށް އެއްވެސް ޚަބަރެއްނުވެގެން، އެރޭ 22:00 ގައި އެކަން ފުލުހުންނަށް އެންގި ކަމަށެވެ. އަދި ހަމަ އެދުވަހު މެލޭޝިއާގައި ހުންނަ ރާއްޖޭގެ ހައި ކޮމިޝަނަށް ވެސް އެކަން އެންގި ކަމަށް އޭނާ ވިދާޅުވިއެވެ.
“ވަގުތަށް” އެނގިފައިވާ ގޮތުގައި އުސެއިދު ހުރީ މެލޭޝިޔާ ފުލުހުންގެ ބެލުމުގެ ދަށުގައެވެ. އަދި އޭނާ ފުލުހުންގެ ބެލުމުގެ ދަށަށް ގެންދިޔައީ މި މަހުގެ ދެވަނަ ދުވަހުގައި ކަން ވެސް އެނގިފައިވެއެެވެ. އެކަމަކު، އޭނާ ފުލުހުންގެ ބެލުމުގެ ދަށަށް ގެންދިޔަ ސަބަބެއް އަދި ސާފެއް ނޫނެވެ. އަފީފް ވިދާޅުވީ މައްސަލަ ފައިލް ކުރި ހިސާބުން ފެށިގެން ފުލުހުންނާއި ހައި ކޮމިޝަންގެ ބޭފުޅުން އުސައިދު ހޯދުމުގެ މަސައްކަތް ފެށި ކަމަށެވެ. އަދި އެކިއެކި ގްރޫޕްތަކުގައި އާއި، ހެޔޮއެދޭ ފަރާތްތަކުން އުސައިދު ފެނޭތޯ ކުރެވެންހުރި ހުރިހާ މަސައްކަތެއް ހުއްޓުމެއްނެތި ކުރަމުން ގެންދިޔަކަން ވަރަށް ޝުކުރުވެރިކަމާއެކު އޭނާ ފާހަގަކުރެއްވިއެވެ.
އެގޮތުން ކުރެވުނު މަސައްކަތުން ސީސީޓީވީ ކެމެރާ ފްޓޭޖް ތަކުން ލިބުނު މައުލޫމާތުންނާއި، ބައެއްމީހުންގެ ފަރާތުން ލިބުނު މައުލޫމާތުން، ހަމަ އެދުވަހު 16:00 އެހާކަށްހާއިރު، އުސައިދު ރާއްޖޭގެ އެމްބަސީއަށް ދިޔަކަން އެނގުނު ކަމަށް އޭނާ ވިދާޅުވިއެވެ. ނަމަވެސް އެދުވަހަކީ ބަންދު ދުވަހަކަށްވާތީ އެމްބަސީގެ މީހަކާ ބައްދަލުވާ ގޮތެއް ނުވުމުން، އެތަނުގައި ގަޑިއެއްހާއިރު މަޑުކޮށްފައި ނުކުމެގެންދިޔައިރު އުސައިދުގެ ވޮލެޓާއި ސްޓޫޑެންޓް ކާޑު ވަނީ ބޭއްވިފައެވެ. ތިންވަނަ ދުވަހު އެމްބަސީ ހުޅުވުމާއެކު، އެތަނުގެ ކެމެރާތައް ބަލާ ޗެކްކުރިއިރު އެހިސާބުން އުސައިދު ސަލާމަތުން ހުރިކަން ވަނީ އެނގިފައިވާ ކަމަށާއި އިއްޔެގެ 11 ޖެހިއިރު ހައިކޮމިޝަނުންވަނީ އުސައިދުގެ ވޮލެޓާއި ސްޓޫޑެންޓް ކާޑު ޕޮލިސް މެދުވެރިކޮށް ހަވާލުކޮށްފައި ކަމަށް އަފީފް ވިދާލުވިއެވެ.
ރޭގައި ކުރި ޕޯސްޓުގައި އަފީފް ވިދާޅުވީ އުސައިދާއި ބައްދަލުނުވާ ކަމަށާއި އިރާދަކުރެއްވިޔާ ވަރަށްއަވަހަށް އުސައިދުގެ ހަބަރެއް ވާނެ ކަމަށް އުންމީދުކުރައްވާ ކަމަށެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0