Read Time:3 Minute, 17 Second
ސްޕްރީމް ކޯޓުގެ ފަނޑިޔާރުންގެ އަދަދު މަދު ކުރުމަށް ރައްޔިތުންގެ މަޖިލީހަށް ސަރުކާރުން ބިލެއް ހުށަހަޅައިފިއެވެ. ފަނޑިޔާރުން މަދު ކުރުމަށް ބިލެއް ހުށަހެޅިއިރު، ރައްޔިތުންގެ މަޖިލިހުގެ މެމްބަރުންގެ ގޮނޑި ގެއްލޭނެ ހާލަތްތައް ބަޔާންކޮށް ގާނޫނުއަސާސީ އަށް މި ފަހުން ގެނައި އިސްލާހުތައް ބާތިލު ކުރުމަށްވެސް ސްޕްރީމް ކޯޓަށް ވަނީ ހުށަހަޅާފައެވެ. މި މައްސަލަ ބަލަމުންދަނީ ސްޕްރީމް ކޯޓުގެ ހަތް ފަނޑިޔާރުންގެ ބެންޗަކުންނެވެ.
ފަނޑިޔާރުންގެ ބެންޗުގައި ތިބި ހަތް ފަނޑިޔާރުންގެ ތެރެއިން ދެ ފަނޑިޔާރުން މަދުކޮށް އެ ބެންޗު ފަސް ފަނޑިޔާރުންނަށް ހެދުމަށް ބިލުގައި ވަނީ ހުށަހަޅާފައެވެ. ސަރުކާރުގެ ފަރާތުން މި ބިލް މަޖިލީހަށް ހުށަހެޅީ ހޮޅުދޫ ދާއިރާގެ މެންބަރު އަބްދުުއްސައްތާރު މުހައްމަދެވެ. މި ބިލުގައި ބުނާގޮތުން ދިވެހިރާއްޖޭގެ ސްޕްރީމް ކޯޓު އެކުލެވިގެންވާނީ އުއްތަމަ ފަނޑިޔާރާއެކު އެ ކޯޓަށް އައްޔަން ކުރެވިފައިވާ ޖުމްލަ ފަސް ފަނޑިޔާރުންގެ މައްޗަށެވެ. އަދި ސްޕްރީމް ކޯޓުގެ ފަނޑިޔާރުންގެ އަދަދު ވާން ވާނީ އޮނަހިރި އަދަދަކަށެވެ.
ސްޕްރީމް ކޯޓުގެ ފަނޑިޔާރު ކަމުގެ މަޤާމުން ވަކިކުރެވޭނީ މަޤާމަށް އެމީހަކު ޤާބިލު ނޫން ކަމަށް ޖޭއެސްސީއަށް ގަބޫލުކުރެވިގެން. އެ ފަނޑިޔާރަކު ވަކިކުރުމަށް މަޖިލީހަށް ހުށަހަޅައިގެންނެވެ. ސްޕްރީމް ކޯޓުގެ ފަނޑިޔާރުކަމުގެ މަޤާމުން ވަކިކުރުމަށް ޖުޑީޝަލް ސާވިސް ކޮމިޝަނުން ރައްޔިތުންގެ މަޖިލީހަށް ހުށަހަޅާ ފަނޑިޔާރުންގެ ނަންތައް މި ޤާނޫނަށް އަމަލުކުރަން ފަށާތާ ގިނަވެގެން ފަސް ދުވަހުގެ ތެރޭގައި މަޖިލީހަށް ހުށަހަޅަން ޖެހެއެވެ. އަދި މަޖިލީހަށް އެ ފަނޑިޔާރުން ނަންތައް ހުށަހަޅާތާ ގިނަވެގެން ހަތް ދުވަހުގެ ތެރޭގައި މަޖިލީހުން އެ ފަނޑިޔާރުން މަޤާމުން ވަކިކުރުމާމެދު ގޮތެއް ނިންމަންވާނެއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0