Read Time:3 Minute, 56 Second
(ފޮޓޯ ކްރެޑިޓްސް: ވަގުތު)
ރަަމަޟާން މަހު ކަރަންޓު ބިލާއި ފެން ބިލުން ޑިސްކައުންޓް ދެއްވާނެކަން ރައީސް ޑރ. މުހައްމަދު މުއިއްޒު އިއުލާން ކުރައްވައިފިއެވެ. މިދިޔަ ރޯދަ މަހެކޭ އެއްގޮތަށް ކުރިއަށް އޮތް ރޯދަ މަހު ވެސް ފެނާއި ކަރަންޓު ބިލުން ޑިސްކައުންޓް ދެއްވާނެ ކަމަށް ރައީސް އިއުލާން ކުރެއްވީ ޑިސެމްބަރު މަހުގެ 8 ވަނަ ދުވަހެެވެ. އއ. މަތިވެރިއަށް ވަޑައިގެން އެ ރަށުގެ ރައްޔިތުންނާ ބައްދަލު ކުރައްވައި ވާހަކަފުޅު ދައްކަވަމުން ރައީސް ޑރ. މުއިއްޒު ވިދާޅުވީ ކުރިއަށް އޮތް ރޯދަ މަހު ރައްޔިތުންނަށް އިތުރު އެހީތެރިކަން ދެއްވާނެ ކަމަށެވެ.
އޭގެ ތެރެއިން އެއް ކަމެއްގެ ގޮތުގައި ރައީސް ފާހަގަ ކުރެއްވީ، ކަރަންޓު ބިލާއި ފެން ބިލުން ޑިސްކައުންޓް ދިނުމެވެ. އެއީ މިދިޔަ އަހަރު ވެސް ރައްޔިތުންނަށް ލިބުނު ލުޔެއް ކަން ފާހަގަ ކުރައްވައި، ކުރިއަށް އޮތް ރޯދަ މަހު ވެސް އެ ޑިސްކައުންޓް ދެއްވާނެ ކަމުގެ ޔަގީން ކަން ރައީސް ދެއްވިއެވެ. ރައީސް ވިދާޅުވީ، ކުރިން ޖަލްސާގައި ދެންނެވި ގޮތަށް ކުރިން ރަމަޟަން މަހު ދިން ގޮތަށް، މި ރަމަޟާން މަހު ވެސް ކަރަންޓް ބިލާއި ފެން ބިލުން ޑިސްކައުންޓް ދެއްވާނެ ކަަމަށާއި، އެކަން އެގޮތަށް ކުރިއަށް ދާނެ ކަމަށެވެ.
“އެހެންވީމަ ކިހިނެއްތޯ ދޮގު ހަދައިގެން އޮޅުވާލެވޭނީ، ދޮގު ހެދީމަ، އެއީ ދޮގެއްކަން ދެނެގަތުމަކީ އަޑުއަހާ މީހެއްގެ ޒިންމާއެއް، މީހަކު ހަަމަ ދައްކާހާ ވާހަކައެއް ބަލައިލުމެއް ނެތި ގަބޫލު ކުރުމަކީ ދީނީ ގޮތުންވެސް ހުއްދަ ކަމަކަށް ނުވޭ،”. ރޯދައާ ގުޅިގެން ރައީސް މީގެ ކުރިން ނިންމެވި ކަންކަމާއި ގުޅިގެން ހަގީގަތް އޮޅުވާލައި ދައްކަމުންދާ ވާހަކަތަކާއި ގުޅިގެން ރައީސް މިރޭ ވިދާޅުވިއެވެ. ރައީސް ޑރ. މުއިއްޒު މީގެކުރިން އިއުލާން ކުރެއްވި ގޮތުގައި ކުރިއަށް އޮތް ރޯދަ މަހު ކޮންމެ ގޭބިސީއަކަށް ހިލޭ މަސް ދަޅު ކޭހެއް ދިނުމަށް ނިންމަވައިފައެވެ. އަދި އެ މަސައްކަތް މިހާރު ދަނީ ކުރިއަށެވެ.
މި ހަދިޔާގެ އިތުރުން ރޯދަމަހު ކާބޯތަކެތީގެ އަގު ބޮޑުވިޔަ ނުދޭން ހާއްސަ ފިޔަވަޅުތަކެއް ސަރުކާރުން ދަނީ އަޅަމުންނެވެ. މި ސަރުކާރުން ވަނީ ރޯދަ މަހުގެ ފަހު 10 އެއީ ސަރުކާރު ބަންދު ދުވަސްތަކެއްގެ ގޮތުގައި ހަމަޖައްސައިފައެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0