ޕީއެންސީން ރައްޔިތުންނަށް ބޮޑު މާހެފުމެއް ދީފި

Read Time:3 Minute, 32 Second

(ފޮޓޯ ކްރެޑިޓްސް: ވަގުތު)

ކުރިއަށް އޮތް ރަމަޟާން މަހާ ދިމާކޮށް ވެރިކަން ކުރާ ޕީއެންސީން ރައްޔިތުންނަށް ބޮޑު މާހެފުމެއް ރޭ ދީފައެވެ. މިއީ ޕީއެންސީގެ އަންހެނުންގެ ހަރަކާތުގެ ފަރާތުން އިންތިޒާމްކޮށްގެން، އާޓިފިޝަލް ބީޗުގައި ބޭއްވި މާހެފުމެކެވެ. މި މާހެފުމުގައި ރައްޔިތުންގެ މަޖިލިހުގެ ރައީސް އަދި ޕީއެންސީގެ ޗެއާޕާސަން އަބްދުއްރަހީމް އަބްދުﷲ އާއި ސަރުކާރުގެ ބައެއް ވަޒީރުންނާއި ރައްޔިތުންގެ މަޖިލިހުގެ މެޖޯރިޓީ ލީޑަރު އަދި ޕީއެންސީގެ ޕާލަމެންޓްރީ ގްރޫޕްގެ ލީޑަރު އިބްރާހިމް ފަލާހާއި ރައްޔިތުންގެ މަޖިލިހުގެ މެމްބަރުން ބައިވެރިވެވަޑައިގެންނެވިއެވެ.

އަދި މި މާހެފުމުގައި ވަރަށް ގިނަ އަދަދެއްގެ ރައްޔިތުން ވެސް ބައިވެރިވިއެވެ.

(ފޮޓޯ ކްރެޑިޓްސް: ވަގުތު)

މި ހަފްލާގައި ހުރާ ދާއިރާގެ ޕީއެންސީގެ މެމްބަރު އަނާރާ ނައީމް ވިދާޅުވީ ރަމަޟާން މަހަކީ އެހެން މަސްތަކާއި އަޅާބަލާއިރު ގިނަ ސަވާބާއި ދަރުމަ ލިބޭ މަހެއް ކަން ފާހަގަ ކުރެއްވިއެވެ. އެހެންވެ، ކޮންމެ ދުވަހަކު ވެސް ހިފާ ރޯދަ އެންމެ ފުރިހަމަ ގޮތުގައި ހިފުން މުހިންމު ކަމުގައި އަނާރާ ވިދާޅުވިއެވެ.

އިނގުރައިދޫ ދާއިރާގެ މެމްބަރު އަދި ޕީއެންސީގެ ޕީޖީ ލީޑަރު ފަލާހް ވިދާޅުވީ ރަމަޟާން މަސް ދިވެހިންނާ ބައްދަލު ކުރާއިރު، ނޫސްތަކާއި ޓީވީތަކާއި ސޯޝަލް މީޑިއާ ފަދަ ތަންތަނުގައި ދޮގު ހަބަރު ފެތުރުމާއި ފިތުނަ ފަސާދަ އުފެދޭ ވާހަކަތައް ދެއްކުން ހުއްޓާލަން ޖެހޭ ކަމަށެވެ. އަދި ހުރިހާ އެންމެން ވެސް ގައުމުގައި އޮތް ހަމަޖެހުމަށް އިސްކަން ދިނުމަށާއި ހަމަނުޖެހުން ނަގާލަން މަސައްކަތް ނުކުރަން ފަލާހް އެދިވަޑައިގެންނެވިއެވެ.

(ފޮޓޯ ކްރެޑިޓްސް: ވަގުތު)

ޕީއެންސީގެ މާހެފުމުގައި ރައީސް ޑރ. މުހައްމަދު މުއިއްޒު ވެސް ބައިވެރިވެވަޑައިގަންނަވާ ގޮތަށް ކުރިން އޮތެވެ. އެކަމަކު، ރަސްމީ ޝެޑިއުލްއަށް އައި ބަދަލަކާ ގުޅިގެން އެމަނިކުފާނު ބައިވެރިވެވަޑައެއް ނުގަންނަވައެވެ.