Read Time:2 Minute, 8 Second
ފޮރިން މިނިސްޓަރު ޑރ. އަބްދުﷲ ޚަލީލް، ސްރީލަންކާގެ ރައީސް އަނޫރާ ކުމާރާ ޑިސަނަޔަކަ އާ ބައްދަލު ކުރައްވައިފިއެވެ. މިނިސްޓަރު ހަލީލު ލަންކާއަށް ކުރައްވަމުން ގެންދަވާ ދަތުރުފުޅުގައި ލަންކާގެ ރައީސް އާއެކު ބޭއްވި ބައްދަލުވުމުގައި ހަލީލް ވަނީ ރާއްޖެ އާއި ލަންކާ އާ ދެމެދު އޮތް ހާއްސަ ގުޅުމުގެ މައްޗަށް އަލިއަޅުއްވާލައްވައިފައެވެ. އަދި ދެ ގައުމުގެ ދެމެދުގައި ގާއިމުވެފައިވާ ގާތް ގުޅުން ބަދަހިކުރުމަށް އިތުރަށް އެއްބާރުލުން ދިނުމުގެ ގޮތުން، ދެ ގައުމު ގުޅިގެން މަސައްކަތް ކުރެވޭނެ އާ ދާއިރާތަކާއި ފުރުސަތުތައް ހޯދުމަށް މަޝްވަރާ ކުރެއްވިއެވެ.
އަދި ސްރީލަންކާ ސަރުކާރުން ރާއްޖެއަށް ދެއްވާ ޚާއްސާ ވިސްނުމާއި އެއްބާރުލެއްވުމަށް ޝުކުރު އަދާކުރައްވައި، ދެ ގައުމުގެ މަސްލަހަތު ހިމެނޭ ހުރިހާ ކަމެއްގައި ވެސް ސްރީލަންކާއާއެކު މަސައްކަތް ކުރައްވަމުން ގެންދަވާނެކަމުގެ ޔަގީންކަން ދިވެހި ސަރުކާރާާއި ރާއްޖޭގެ ރައްޔިތުންގެ ނަމުގައި ދަންނަވާފައި ވެއެވެ. މިނިސްޓަރު ޚަލީލް ލަންކާއަށް ކުރައްވަމުން ގެންދަވާ ދަތުރަކީ ލަންކާގެ ހާރިޖީ ވަޒީރުގެ ދައުވަތަކަށް ކުރައްވާ ދަތުރުފުޅެކެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0