Read Time:2 Minute, 14 Second
ހާރިޖީ ވަޒީރު ޑރ. އަބްދުﷲ ހަލީލު ސްރީލަންކާގައި ތިބި ދިވެހިންނާ ބައްދަލުކުރައްވައިފިއެވެ. އެކްސްގައި ކުރެއްވި ޕޯސްޓެއްގައި ހަލީލު ވިދާޅުވީ ލަންކާގައި ދިރިއުޅޭ ދިވެހިންނާ ބައްދަލުކޮށް ވާހަކަ ދައްކާލަން ފުުރުސަތެއް ލިބުމުން އުފާކުރާ ކަމަށެވެ. އަދި ލަންކާގައި ދިރިއުޅޭ ރައްޔިތުންނަށް ދިމާވާ ދަތިތަކަށް ހައްލު ހޯއްދަވައި ދެއްވާނެ ކަމުގެ ފުރިހަމަ ޔަގީންކަން ދެއްވާ ކަަމށް ވިދާޅުވިއެވެ.
ލަންކާގެ ހާރިޖީ ވަޒީރުގެ ދައުވަތަކަށް ހަލީލު ކުރައްވާ މި ދަތުރުގެ ތެރެއިން އެގައުމުގެ ރައީސް އަނުރަ ކުމާރަ ޑިސަނަޔަކައާ ވެސް ވަނީ ބައްދަލުކުރަައްވާފައެވެ. އަދި ލަންކާގެ ބޮޑުވަޒީރު ޑރ. ހަރިނީ އަމަރަސޫރިޔަ އާވެސް ބައްދަލުކުރައްވާާފައި ވެއެވެ. މި ބައްދަލު ކުރެއްވުމުގައި ފާއިތުވި އަހަރުތަކުގެ ތެރޭގައި ލަންކާ އިން ރާއްޖޭގެ ތަރައްގީއަށް ފޯރުކޮށްދިން އެހީތަކާއި ވަކިން ހާއްސަކޮށް ތައުލީމީ ދާއިރާ އާއި އިންސާނީ ވަސީލަތްތައް ތަރައްގީ ކުރުމުގެ ދާއިރާގައި ފޯރުކޮށްދިން އެހީ ފާހަގަ ކުރެއްވިއެވެ.
އަދި ލަންކާގައި ދިރިއުޅޭ ގިނަ އަދަދެއްގެ ދިވެހިންނަށް އެގައުމުން ފޯރުކޮށްދޭ އެހީތަކަށް ހަލީލު ވަނީ ޝުކުރު އަދާކުރަައްވާފައެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0