Read Time:2 Minute, 15 Second
(ފޮޓޯ ކްރެޑިޓްސް: ވަގުތު)
ކުރީގެ ރައީސް، އަބްދުﷲ ޔާމީން އަބްދުލް ގައްޔޫމްގެ ޕީއެންއެފްގައި އިސްކޮށް އުޅުއްވާ މުހައްމަދު މަލީހު 8 މިލިއަން ރުފިޔާއަށް މާލެއިން ބިމެއް ބައްލަވައިގެންފިއެވެ. ސިވިލް ކޯޓުގެ ހުކުމުގައިވާ ގޮތުން މަލީހު ބައްލަވައިގަތީ ތަރުމީނާ އިބްރާހިމްގެ ނަމުގައި ރަޖިސްޓްރީކޮށްފައިވާ މއ. ޖަނާން ނަމަކަށް ކިޔާ އަމިއްލަ ބިމާއި އިމާރާތެވެ. އެއީ 1066.56 އަކަފޫޓުގެ ބިމެކެވެ. މަލީހު ވަނީ އެ ގެއަށްވާ އަށް މިލިއަން ރުފިޔާ ދައްކަވައި ހަލާސް ކުރައްވައިފައެވެ.
މި ބިން ބައްލަވައިގަތީ މަލީހުގެ އިތުރުން އޭނާ ދެބެންގެ ދެދަރި، ކުރީގެ ނައިބު ރައީސް، މުހައްމަދު ޖަމީލުގެ ދަރިންގެ ނަމުގައެވެ. މަލީހު އަކީ ކުރީގެ ރައީސް، އިބްރާހިމް މުހައްމަދު ސޯލިހުގެ ވެރިކަމުގައި އެ ސަރުކާރުގެ ފުރަތަމަ ޓެކްނޮލޮޖީ މިނިސްޓަރެވެ. ނަމަވެސް ފަހުން މަގާމުން ވަކި ކުރުމުން އޭނާ ފެނިގެން ގޮސްފައިވަނީ އިދިކޮޅު ޕީޕީއެމް/ޕީއެންސީންނެވެ. ކުރީގެ ސަރުކާރުގެ އިތުރުން ވެސް މަލީހަކީ ކުރީގެ ރައީސް އަބްދުﷲ ޔާމީންގެ ވެރިކަމުގައި ޔޫތު މިނިސްޓަރުކަން ވެސް ކުރައްވާފައިވާ ބޭފުޅެކެވެ.
މަލީހު މިހާރު މަސައްކަތް ކުރައްވަނީ ޔާމީން އާ އެކުގައި ޕީއެންއެފްގައެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0