Read Time:2 Minute, 57 Second
ރޯދަ މަހުގައި ކުރިއަށް ގެންދާ ބައެއް ހަރަކާތްތަކާ ގުޅޭ ގޮތުން އިސްލާމިކް މިނިސްޓްރީން ޖަމިއްޔަތުއް ސަލަފާ މަޝްވަރާކޮށްފިއެވެ. އެ މަޝްވަރާ ކުރީ އިސްލާމިކް މިނިސްޓަރު ޑރ. މުހައްމަދު ޝަހީމް އަލީ ސައީދު، ޖަމިއްޔަތުއް ސަލަފްގެ އިސް ބޭފުޅުންނާއެކު މިއަދު ބޭއްވި ބައްދަލުކުރެއްވުމުގައެވެ.
މިނިސްޓްރީން ވިދާޅުވީ މިއަދު އެ ވުޒާރާގައި ކުރިއަށް ދިޔަ އެ ބައްދަލުކުރެއްވުމުގައި ވުޒާރާގެ އިސްވެރިންނާއި ޖަމިއްޔަތުއް ސަލަފްގެ ރައީސް އައްޝައިހް އަބްދުﷲ ބިން މުހައްމަދު އިބްރާހިމްއާއި، އެ ޖަމިއްޔާގެ އިލްމުވެރިންގެ މަޖިލީހުގެ ރައީސް އައްޝައިހް އަހްމަދު ސަމީރުގެ އިތުރުން އެ ޖަމިއްޔާގެ އިސް ބޭފުޅުން ބައިވެރިވެވަޑައިގެންނެވި ކަމަށެވެ.
އެ ބައްދަލުކުރެއްވުމުގައި މަޝްވަރާ ކުރައްވާފައިވަނީ ފާއިތުވެދިޔަ އަހަރުތަކެކޭ އެއްގޮތަށް ރަމަޟާން މަހު އެ ޖަމިއްޔާއިން ކުރިއަށް ގެންދާ އެކި ހަރަކާތްތަކުގައި އެހީތެރިކަން ފޯރުކޮށްދިނުމާއި ގުޅޭ ގޮތުން ކަމަށް މިނިސްޓްރީއިން ވިދާޅުވެއެވެ.
އެގޮތުން ރޯދަ މަހު އެ ޖަމިއްޔާއިން ކުރިއަށް ގެންދާ މިސްކިތު ދަރުސް ޕްރޮގުރާމްތަކާއި، ރޯދަ މަހު މިސްކިތްތަކުގައި ސުފުރާ އެޅުމާއި ގުޅޭ ގޮތުންނާ މިސްކިތުގައި އިއުތިކާފްއަށް ތިބުމާއި ގުޅޭ ގޮތުން ވަނީ މަޝްވަރާ ކުރައްވައިފައެވެ. އަދި އެ ބައްދަލުކުރެއްވުމުގައި ވަޒީރު ވަނީ، ޖަމިއްޔަތުއްސަލަފްއިން ރޯދަ މަހު ކުރިއަށް ގެންދާ ހަރަކާތްތަކުގައި ވުޒާރާގެ ފަރާތުން ދޭން ޖެހޭ ފުރިހަމަ އެއްބާރުލުން ދެއްވާނެކަމުގެ ޔަގީންކަން އަރުވާފައި ކަމަށް މިނިސްޓްރީން ވިދާޅުވެއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0