ގާސިމްގެ ހަޔާތްޕުޅާއި ގުޅޭ ބަޔޯގްރަފީ ނެރެފި

Read Time:5 Minute, 4 Second

(ފޮޓޯ ކްރެޑިޓްސް: ކިއު ޓީމް)

ވިލާ ގްރޫޕްގެ ބާނީ އަދި ޖުމްހޫރީ ޕާޓީގެ ލީޑަރު ގާސިމް އިބްރާހިމްގެ ހަޔާތްޕުޅާ ބެހޭ ގޮތުން ލިޔުއްވާފައިވާ ބަޔޯގްރަފީ ރޭ ނެރެފއެވެ. ހަތްސަތޭކައަށްވުރެ ގިނަ ބަހުގެ މި ފޮތް ލިޔުއްވާފައިވަނީ ތަޖުރިބާކާރު ނޫސްވެރިޔާ މުޙައްމަދު ޖަމީލެވެ. މިއީ ރައީސް މުޙައްމަދު އަމީނު އަދި ރައީސް މުޙައްމަދު ވަޙީދުގެ ބަޔޯއޮގްރަފީތަކަށްފަހު ޖަމީލް ލިޔުއްވުމަށްފަހު ނެރޭ ތިންވަނަ ބަޔޯގްރަފީއެވެ. ރޭ ވިލާކޮލެޖްގައި ބޭއްވި ރަސްމިއްޔާތެއްގައި މި ފޮތާއި އޯޑިއޯ ފޮތް ނެރެދެއްވީ އެ ރަސްމިއްޔާތުގެ ޝަރަފްވެރި މެހުމާން ނިޝާން އިއްޒުދީންގެ ވެރިޔާ އިލްޔާސް އިބްރާހިމެެވެ.

ކުރީގެ ރައީސުންވެސް ބައިވެރިވެވަޑައިގެންނެވި މިރޭގެ ރަސްމިއްޔާތުގައި އިލްޔާސް އިބްރާހިމެް ވިދާޅުވީ، ގާސިމްގެ ހަޔާތްޕުޅާއި ގުޅޭ ފޮތެއް ނެރުމަށް ފުރުސަތު ލިބުމަކީ އޭނާއަށް ލިބިވަޑައިގެންނެވި ޝަރަފެއް ކަަމަށެވެ. އަދި ގާސިމާއި ގުޅޭގޮތުން އޭނާ ވިދާޅުވީ، އޭނާއަކީ ގާސިމާއި ވަރަށް ގާތުން މަސައްކަތް ކުރަމުން ދިޔަ ބޭފުޅެއް ކަމަށާއި، އޭނާއަކީ ވިޔަފާރީގެ ރޮގުން ވަރަށް ކާމިޔަބީ ހޯއްދަވާފައިވާ ބޭފުޅެއް ކަމަށެވެ. “އަބަދުވެސް ހުރިހާ ކަމެއްގެ އާ ގޮތްތަަކާއި، އޭގެ އެންމެ ފައިދާ ބޮޑު ގޮތްތައް ހޯއްދަވައިގެން އެ ފުޅާ ކުރައްވަމުން ގެންދެވި ބޭފުޅެއް،”. އޭނާ ވިދާޅުވިއެވެ.

(ފޮޓޯ ކްރެޑިޓްސް: ކިއު ޓީމް)

އަދި ގާސިމަކީ ދީލަތި ބޭފުޅެއް ކަމަށާއި، ގާސިމްގެ ވިސްނުން އެހެން މީހުންނަށް ފައިދާވާނެ ގިނަ ރަނގަޅު ގޮތްތައް ހޯއްދަވާ ދެއްވުމަށް ވަރަށް ބޮޑަށް މަސައްކަތް ކުރައްވާފައިވާ ކަަމަށްވެސް އޭނާ ވިދާޅުވިއެވެ. އޭގެ ހެެއްކަކީ، ގާސިމްގެ ހަރަދުގައި ގިނަބަޔަކު މަތީ ތައުލީމަށް ކިޔަވާ ނިންމުމެވެ. އަދި ގާސިމަކީ އެންމެންވެސް ވަރަށް ގަބޫލުކުރާ މަދަދުގާރެއް ކަަމަށްވެސް އޭނާ ވިދާޅުވިއެވެ. އަދި އޭނާގެ އެހީތެރިކަން ވަރަށް ގިނަބަޔަކަށް ލިބިވަޑައިގެންނެވި ކަމަށާއި، އޭނާއަކީ ވަރަށް ގިނަބަޔަކު ލޯބިވާ ބޭފުޅެއް ކަމަށްވެސް އިލްޔާސް ވިދާޅުވިއެވެ.

ގާސިމް އިބްރާހިމްއަކީ ރާއްޖޭގެ އެންމެ ކާމިޔާބު ވިޔަފާރިވެރިންގެ ތެރެއިން އެކަކު އަދި އާންމުންނަށް އެހީތެރިވުމުގައި ފާހަގަކޮށްލެވޭ ޝަޚްސިއްޔަތެކެވެ. އެހެންކަމުން، މި ފޮތަކީ ވަރަށް ތަފާތު އަދި މުހިންމު ފޮތަކަށް ވާނެއެވެ. މި ފޮތުން ގާސިމްގެ ވިޔަފާރީގެ އަދި ސިޔާސީ ދާއިރާގެ ތަޖުރިބާތަކާއި ކާމިޔާބީތަކުގެ މަޢުލޫމާތު ލިބިގެންދާނެއެވެ. ރާއްޖޭގެ ތައުލީމަށް ގިނަ ގުނަ ހޭދަތަކެއް ކުރައްވާ ގާސިމް ގެންދަވަނީ އަމިއްލަ ކޮލެޖެއް ހައްދަވައި އެތައް ދިވެހި ދަރީންތަކަކަށް މަތީ ތައުލީމްގެ ފުރުސަތުތަށް ފަހިކޮށްދެއްވަމުންނެެވެ. ވިލާ ކޮލެޖްގެ ނަމުގައި ހިންގާ އެ ކޮލެޖުން މިހާތަނަށް 2،000 ވުރެ ގިނަ ދަރިވަރުން ވަނީ ދަސްވެނިވެފައެވެ.