Read Time:2 Minute, 18 Second
ޒުވާނުންނަށް ހާއްސަ “ޔޫތް ވެލްނެސް ލައުންގް”ގެ ހިދުމަތް ފަށައިފިއެވެ. މިނިސްޓްރީ އޮފް ޔޫތު އެމްޕަވާމަންޓް، އިންފޮމޭޝަން އެންޑް އާރޓްސްއިން ވިދާޅުވީ ޒުވާނުންގެ ދުޅަހެޔޮކަމަށް އަމާޒުކޮށްގެން “ޔޫތު ވެލްނެސް ލައުންޖް” ގެ ނަމުގައި އާ ހިދުމަތެއް ފަށާފައިވާ ކަމަށެވެ. އެ ހިދުމަތް ކޮންމެ އާދިއްތަ ދުވަހަކު ހަވީރު 16:00 އިން 18:00 އަށް ސޯޝަލް ސެންޓަރުން ލިބިގެންދާނެ ކަމަށް މިނިސްޓްރީއިން ވިދާޅުވެއެވެ.
މިނިސްޓްރީން ވިދާޅުވީ އެ ހިދުމަތުގެ ދަށުން ވަކިވަކި ފަރުދުންނަށް ސިއްހީ ސްކްރީނިން އާއި، އަމިއްލަ ކޮންސަލްޓޭޝަން އަދި ސިއްހަތާ ގުޅޭ މައުލޫމާތު ދިނުމުގެ ސެޝަންތައް ހިމެނޭ ކަމަށެވެ. ހިދުމަތް ހޯދުމަށް ބޭނުންވާ ފަރާތްތަކަށް 4000505 ނަންބަރަށް ގުޅައިގެން ނުވަތަ ހިދުމަތް ދޭ ގަޑިތަކުގައި ސޯޝަލް ސެންޓަރަށް ޒިޔާރަތްކޮށްގެން ހިދުމަތް ލިބިގަނެވޭނެ ކަމަށް ޔޫތް މިނިސްޓްރީއިން ވިދާޅުވެއެވެ.
މި ސަރުކާރަކީ ޒުވާނުންގެ ދުޅަހެޔޮކަމަށް ވަރަށް ބޮޑަށް އިސްކަން ދެއްވާ ސަރުކާރެކެވެ. އެގޮތުން ޒުވާނުންނަށް އަމާޒުކޮށްގެން އެކި ހަރަކާތްތަކާއި މައުލޫމާތު ދިނުމުގެ ސެޝަންތައް ކުރިއަށް ގެންދައެވެ. އަދި މުހިންމު އެކި ނިންމުންތައް ނިންމުމުގައި ޒުވާނުންގެ ހިޔާލު ހޯދައެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0