Read Time:3 Minute, 18 Second
(ފޮޓޯ ކްރެޑިޓްސް: ވަގުތު)
އެސްޓީއޯއިން އަންނަނީ ރަމަޟާން މަހަށް ބޭނުންވާ މުދާ ދަތި ކަމެއްނެތި ލިބޭނެ އިންތިޒާމު ހަމަޖެއްސުމަށް ދުރާލާ ތައްޔާރުވަމުން ކަމަށް ސްޓޭޓް ޓްރޭޑިން އޯގަނައިޒޭޝަން (އެސްޓީއޯ) ގެ މެނޭޖިން ޑިރެކްޓަރު ޝިމާދު އިބްރާހިމް ވިދާޅުވެއްޖެއެވެ.
ޝިމާދު “އެކްސް”ގައި ކުރެއްވި ޕޯސްޓެއްގައި ވިދާޅުވީ ރަމަޟާން މަހަށް ބޭނުންވާ މުދާ ދަތި ކަމެއް ނެތި ލިބޭނެ އިންތިޒާމު ހަމަޖެއްސުމަށް އެސްޓީއޯ އިން ދުރާލާ ތައްޔާރުވަމުން އަންނަ ކަމަށެވެ. އަދި އަގު މައްޗަށް ދާ ބާވަތްތައް ދެނެގަނެ, ދުވަހުން ދުވަހަށް ބާޒާރުގެ އަގުތައް މޮނިޓާ ކުރަމުން އަންނަ ކަމަށް ޝިމާދު ވިދާޅުވިއެވެ. “މިގޮތުން ލުނބޯގެ ފުރަތަމަ ޝިޕްމެންޓް މިހާރު ލިބިއްޖެ.”ޝިމާދު ވިދާޅުވިއެވެ. ރޯދަމަހާއި ދިމާކޮށް، ބޭނުންވާ ޒަރޫރީ ހުރިހާ އެއްޗެއް ހެޔޮއަގެއްގައި ރައްޔިތުންނަށް ފޯރުކޮށްދިނުމަކީ އަބަދުވެސް އެސްޓިއޯއިން ކުރަމުން އަންނަ މަސައްކަތަކެެވެ. އަދި ވަކިން ހާއްސަކޮށް ރޯދަ މަހު، ރައްޔިތުން އެންމެ ބޭނުންވާ ތަކެތީގެ އަގު ހިފެހެއްޓުމަށްޓަކައި އެސްޓީއޯގެ ރޯލުވެސް ވަރަށް ބޮޑެވެ.
މިވަގުތު އެސްޓީއޯއިން ވަނީ ހަތަރު ކެޓެގެރީ އަކަށް ބަހާލެވިގެން ކާބޯތަކެތި އެތެރެކުރުމަށް ތައްޔާރުވެފައެވެ.
އެއީ: އަސާސީ ކާބޯތަކެތި: ފިޔާ، ބިސް އަލުވި، ކާށި، ކަދުރު
ތާޒާ ތަރުކާރީ އަދި މޭވާ: ލުނުމެދު، އިނގުރު، ލައިމް، ކެރެޓް، އޮރެންޖް، ކެބެޖް،މިރުސް،ފޭރު، ކަރާ، އަނބޫ، ޕެޝަންފުރުޓް، ކިއުކަންބާ
ޕްރޮސެސްޑް ކާނާ :ނެސްލޭ ކުރީމް، ކޮކޯ ޕައުޑަރ، ބޭކެޓް ބީންސް، ގެރިކިރު ދަޅު
ކެއްކުމަށް ބޭނުންކުރާތަކެތި: ސަންފްލާވަރ އޮއިލް، ވެޖިޓަބަލް އޮއިލް، ބާސްމަތި ހަނޑޫ
އެސްޓީއޯގެ މައިގަނޑު އެއް މަގްސަދަކީ ޒަރޫރީ ބޭނުންތަކަށް ބޭނުންވާ މުދާފަސޭހައިން ލިބޭނެ އިންތިޒާމް ހަމަޖައްސައިދިނުމެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0