Read Time:4 Minute, 26 Second
ކ. ގުޅީގައި ވެމްކޯގެ ކުނި މެނޭޖްކުރުމުގެ ޚިދުމަތް ފެށުމާ ގުޅިގެން، އެ ރަށުގައި ދިމާވެފައިވާ ކުނީގެ މައްސަލައަށް އެކަށީގެންވާ ހައްލެއް ލިބިގެންދާނެ ކަމަށް ފަތުރުވެރިކަމާއި ތިމާވެްޓާބެހޭ ވަޒީރު ތޯރިގް އިބްރާހީމް ވިދާޅުވެއްޖެއެވެ. ގުޅީގައި ވެމްކޯގެ ޚިދުމަތް ފައްޓަވައިދެއްވުމުގެ ރަސްމިއްޔާތުގައި އިއްޔެ ވާހަކަ ދައްކަވަމުން ވަޒީރު ވިދާޅުވީ، ގުޅީއަކީ މިހާރުވެސް ފަތުރުވެރިކަން ފުޅާ ދާއިރާއެއްގައި ކުރިއަށްދާ ރަށެއް ކަމަށާއި، ކުރިއަށް އޮތް ތަނުގައި ފަތުރުވެރިކަން އިތުރަށް ފުޅާވެގެންދާނެ ކަމަށެވެ. އެހެންކަމުން، ކުނީގެ މައްސަލައަކީ އެ ރަށުގެ ރައްޔިތުންނަށް ދިމާވެފައިވާ ބޮޑު ގޮންޖެހުމެއް ކަމަށް ވަޒީރު ފާހަގަކުރެއްވިއެވެ.
ވެމްކޯގެ ޚިދުމަތް ފެށުމާއެކު ކުނި ނެގުމާއި މެނޭޖްކުރުމުގެ މަސައްކަތްތައް ހަރުދަނާ އުސޫލުތަކެއްގެ މަތިން ކުރިއަށް ގެންދެވޭނެ ކަމަށް ވަޒީރު ވިދާޅުވިއެވެ. މީގެ ސަބަބުން ކުނި އުކާލުމުގެ ނިޒާމު ހަރުދަނާވެ، ރަށުގެ ތިމާވެށި ރައްކާތެރިކުރުމަށް މުހިންމު ފިޔަވަޅެއް އެޅިގެންދާނެ ކަމަށްވެސް ވިދާޅުވިއެވެ.
“ވެމްކޯއިން ވަނީ ފާއިތުވެދިޔަ އެއް އަހަރު ދުވަސްތެރޭ ރާއްޖޭގެ ގިނަ ސަރަޙައްދުތަކަކަށް އެ ކުންފުނީގެ ޚިދުމަތް ފުޅާކޮށްފައި. ރައީސުލްޖުމްހޫރިއްޔާގެ ވަޢުދާއި އެއްގޮތަށް ކ.ގުޅީގައިވެސް މި ޚިދުމަތް ދިނުމަށް ކުރަންޖެހޭ މަސައްކަތް މިވަނީ ފެށިފައި.” ވަޒީރު ވިދާޅުވިއެވެ.
ވަޒީރު ވިދާޅުވީ، ވޭތުވެދިޔަ އެއް އަހަރު ދުވަހުގެ ތެރޭގައި ވެމްކޯއިން ވަނީ ރާއްޖޭގެ ގިނަ ސަރަހައްދުތަކަކަށް އެ ކުންފުނީގެ ޚިދުމަތް ފުޅާކޮށްފައި ކަމަށާއި ރައީސް ޑރ، މުއިއްޒުގެ ވައުދާ އެއްގޮތަށް ކ. ގުޅީގައިވެސް މި ޚިދުމަތް ދިނުމަށް ކުރަންޖެހޭ މަސައްކަތް ފެށިފައިވާ ކަމަށެވެ. އަދި ވެމްކޯގެ އައު އިސްނެގުންތަކުގެ ތެރޭގައި މާލެއިން ގެންނަ ކުނި ކޮންޓެއިނަރައިޒްކުރުމުގެ މަސައްކަތް ފެށުމާއި، ބަންކަރިންގ ޚިދުމަތްތައް ފޯރުކޮށްދިނުމުގެ މަސައްކަތް ފެށުން ހިމެނޭ ކަމަށްވެސް ވަޒީރު ވިދާޅުވިއެވެ.
ސަރުކާރުން ވަނީ ރާއްޖޭގެ މީހުން ދިރިއުޅޭ ރަށްތަކަށް ދިމާވެފައިވާ ކުނީގެ މައްސަލައަށް ދާއިމީ ހައްލެއް ހޯދައިދިނުމަށް ޤައުމީ ޕްލޭނެއް އެކުލަވާލާފައެވެ. މި ޕްލޭންގެ ދަށުން ކުނި މެނޭޖްކުރުމުގެ ހާލަތު ވަޒަންކޮށް، ރަނގަޅު ގޮތުގައި ކުނި މެނޭޖްކުރުމަށް އެޅިދާނެ ފިޔަވަޅުތައް ދެނެގަތުމާއި، އާންމުން ހޭލުންތެރިކުރުވުން ހިމެނެއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0