ފުވައްމުލަކުގެ ޑްރަގް ނެޓްވޯކް އެއްކޮށްހެން ހުއްޓުވިއްޖެ: އިހުސާން

Read Time:4 Minute, 27 Second

(ފޮޓޯ ކްރެޑިޓްސް: ވަގުތު)

ފުވައްމުލައް ސިޓީގައި އޮތް ޑްރަގް ނެޓްވޯކް އެއްކޮށްހެެން ހުއްޓުވިފައިވާ ކަމަށް ދާހިލީ ސަލާމަތާއި ފަންނިޔަތާއި ބެހޭ ވަޒީރު އަލީ އިހުސާން ވިދާޅުވެއްޖެއެވެ. ފުވައްމުލަކުގައި މިދިޔަ އަހަރު ތެރޭގައި މަސްތުވާތެއްޗާއި ދެކޮޅަށް ބޮޑު އޮޕަރޭޝަނެއް ހިންގިއެވެ. “ވެށި ރައްކަލް” ގެ ނަމުގައި އެރަށުގައި އޮޕަރޭޝަނެއް ފަށައިގެން ކުރިއަށްދިޔައިރު، ފުލުހުން އެއިރު ވިދާޅުވީ މެއި 1 ވަނަ ދުވަހުން ފެށިގެން އެ ސިޓީ ފުލުހުން ކުރިއަށް ގެންދާ މި އޮޕަރޭޝަނުގައި، އެ ސިޓީއަށް މަސްތުވާތަކެތި އެތެރެކޮށް، ވިއްކައި، ވިޔަފާރިކުރާ ފަރާތްތައް ހޯދައި ރަށުގެ އެކި ސަރަހައްދުތަކާއި ގޭބިސީތައް ބަލައިފާސްކުރަމުން ދިޔަ ކަމަށެވެ.

އެއިރު މި އޮޕަރޭޝަން ތެރެެއިން 14 މީހަކު ހައްޔަރުވެސް ކުރިއެވެ. ރިޔާސީ ބަޔާން ފޯރަމްގައި ވާހަަކަދައްކަވަމުން އިހުސާން ވިދާޅުވީ، އަތޮޅުތަަކަށް ހާއްސަ ކޮށްގެން މަސްތުވާތަކެތީގެ އޮޕަރޭޝަން ހިންގާ، އަތޮޅު ތެރޭގައި ހިންގާ ހުރިހާ ޑްރަގް ނެޓް ވޯކްތަކެއް ނައްތާލުމަށް މަަސައްކަތް ކުރަމުންދާ ކަމަށެވެ.

“އޭގެ ތެރެއިން މިިދިޔަ އަހަރު ކާމިޔާބު ކަމާއެކު އަޅުގަނޑުމެން ވާނީ އެއް އަތޮޅު އެއްކޮށް ކަހަލަ ގޮތަކަށް ނިންމާފައި، ޏ. އަތޮޅު ފުވައްމުލައް، ފުވައްމުލަކުގައި ކެފޭއެއްގެ ގޮތުގައި ތަންތަން ހަދައިގެން، މީހުންނަށް ދެމުންގެންދާތަން އެއްކޮށް ހުއްޓުވާ އެކަންކަން ކުރަމުން އައި މީހުން ހިފާ ހައްޔަރުކޮށް، އޭގެ އެންމެ އިސްކޮށް ތިބި މީހުން މަނީ ލޯންޑަރިންގގެ ކުށުގައި ހައްޔަރު ކުރެވި ގާނޫނުން ދެވެން އޮތް އެންމެ ހަރުކަށި އަދަބު މިހާރު ދަނީ ދެމުން،”. އިހުސާން ވިދާޅުވިއެވެ.

އިހުސާން ވިދާޅުވީ، މަސްތުވާތަކެތީގެ ސަޕްލައި މަދު ކުރުމަށް ކުރަމުންދިޔަ މަސައްކަތަށް ބަލާއިރު، 2023 ވަނަ އަހަރު ސަރުކާރާއި ހަވާލުވިއިރު އެޭގެ ކުރީގެ އެއް އަހަރުގައި 600 މިލިއަން ރުފިޔާގެ މަސްތުވާތަކެތި އަތުލައިގެންފައިވަ ކަަމަށެވެ. އަދި މިދިޔަ އަހަރު ކުރި މަސައްކަތުން 1.2 ބިލިއަން ރުފިޔާގެ މަސްތުވާތަކެތި އަތުލައިގަނެވުނު ކަމަށް އިހުސާން ވިދާޅުވިއެވެ. “މީގެ އިތުރުން، ބޯޑަރުގައި ޑްރަގް އެތެރެ ކުރެވޭ މަގު ބަންދުކޮށް، ޑްރަގްސް ފައިޓް ކުރަން ގެންގުޅޭ ރާއްޖޭގެ ލޯ އެންފޯސްމެންޓްގެ ޑިޕާޓްމެންޓްގެ ތެރޭގައި ފުލުހުންނާއި ކަސްޓަމްސްގައިވާ ޓާސްކް ފޯސްއެއްގެ ޒަރިއްޔާއިން އިންޓަލިޖެންސް ބޭސްކޮށް ޑްރަގް އޮޕަރޭޝަންތައް ދަނީ ހިންގަމުން،”. އިހުސާން ވިދާޅުވިއެވެ.