Read Time:2 Minute, 46 Second
(ފޮޓޯ ކްރެޑިޓްސް: ދިވެހި މަސްވެރިން)
މިފްކޯއިން މަސްވެރިންނަށް 5 މިލިއަން ރުފިޔާ ދޫކޮށްފިއެވެ. މިފްކޯއިން “އެކްސް”ގައި ކުރި ޕޯސްޓެއްގައި ވިދާޅުވީ މި މަހުގެ 2 ވަނަ ދުވަހުގައި ދޯނިތަކުން މިފްކޯގެ ސެންޓަރުތަމަށް ކިރާފައިވާ މަހަށް މިއަދު ފައިސާ ދީފައިވާ ކަމަށެވެ. މިފްކޯއިން ބުނި ގޮތުގައި އެ ދުވަހު 71 ދޯންޏަކުން ވަނީ މަސް ކިރާފައެވެ.
އެހެން ކަމުން އެ ދޯނިތަކަށް ޖުމްލަ 5،049،012 ރުފިޔާ ދައްކާފައިވާ ކަމަށާއި އެތަނުން އެއް ދޯނިން ބޭންކުގެ މައުލޫމާތު ހިއްސާކޮށްފައި ނުވާ ކަމަށް މިފްކޯއިން ވަނީ ވިދާޅުވެފައެވެ. މިފްކޯއިން ވިދާޅުވި ގޮތުގައި އެ ފައިސާ ޖަމާކޮށްފައިވަނީ މިއަދު ހެނދުނު 10:30 އާއި 12:30 އާއި ދެމެދުއެވެ. އަދި އިތުރު ޓްރާންސްފާތައް މިއަދު ހަވިރު 4:30 ހާއިރު ނިމޭނެ ކަމަށް ވަނީ ބުނެފައެވެ. މިފްކޯއަށް ކިރާ މަހަށް ރައީސް ޑރ.މުހައްމަދު މުއިއްޒުގެ ވައުދުފުޅާ އެއްގޮތަށް 48 ގަޑިއިރުތެރޭ ފައިސާ ދަނީ ދެމުންނެވެ.
މި ސަރުކާރުން މަސައްކަތް ކުރަމުން ގެންދަނީ މަސްވެރިކަމުގެ ސިނާއަތް ކުރިއަރުވައި އެސްޓީއޯ ރޭޓުގައި މަސްވެރިންނަށް ތެޔޮ ލިބޭނެ އިންތިޒާމުތައް ހަމަޖެއްސުމަށެވެ. އެގޮތުން މިހާރު ވަނީ ހުޅުމާލެ ކަންނެލި ޖެޓީގެ އިތުރުން، ކ. ހިންމަފުށި، ޅ. ފެލިވަރު، ގއ. ކޫއްޑޫ، އަދި ސ. ހުޅުމީދޫއިން އެސްޓީއޯ ރޭޓުގައި ތެޔޮ ވިއްކަން ފަށާފައެވެ. މިފްކޯއިން މަސްވެރިންނަށް ކްރެޑިޓަށްވެސް ތެޔޮ ވިއްކައެވެ. އަދި އެ ފައިސާ މިފްކޯއަށް ކިރުވާ މަހަށްވާ ފައިސާގެ ތެރެއިން ދަނީ ކަނޑަމުންނެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0