Read Time:2 Minute, 29 Second
(ފޮޓޯ ކްރެޑިޓްސް: ވަގުތު)
އައްޑޫ ސިޓީގައި ކޮންމެ ހޮނިހިރު ދުވަހެއްގައި ޕާސްޕޯޓް ދޫކުރުމުގެ ހިދުމަތް ދިނުމަށް ނިންމައި، އަންނަ ހޮނިހިރު ދުވަހު އެކަން ފައްޓަވާނެ ކަމަށް ކޮންޓްރޯލާ ޖެނެރަލް އޮފް އިމިގްރޭޝަން މުހައްމަދު ޝަމްއާން ވަހީދު މިއަދު ވިދާޅުވެއްޖެއެވެ. ދިވެހިރާއްޖޭގެ އަޑާއި ޓީވީއެމުން ގެނެސްދޭ “އަހާށޭ ބުނާނަން” ޕްރޮގްރާމްގައި ވާހަކަ ދައްކަވަމުން ޝަމްއާން ވިދާޅުވީ އައްޑޫ ސިޓީގައި ހޮނިހިރު ދުވަހު ޕާސްޕޯޓްގެ ހިދުމަތް ދިނުމަށް ނިންމީ ރައީސް ޑރ. މުހައްމަދު މުއިއްޒުގެ އިރުޝާދާ އެއްގޮތަށް، ހިދުމަތް ދޭ ވަގުތު އިތުރުކޮށް، ރައްޔިތުންނާ ގާތުން އަވަސް އަދި ލުއިފަސޭހަ ހިދުމަތެއް ފޯރުކޮށްދިނުމުގެ ގޮތުން ކަމަށެވެ.
އައްޑޫގައި މިހާތަނަށް ޕާސްޕޯޓު ދޫކުރަމުން އައީ ހަފްތާގެ ރަސްމީ ދުވަސްތަކުގައެވެ. ހުކުރާއި ހޮނިހިރު ދުވަހު ޕާސްޕޯޓުގެ ހިދުމަތެއް ނުދެއެވެ. ދިވެހި ރައްޔިތެއްކަން އަންގައިދޭ ކާޑާއި ޕާސްޕޯޓު، ރައްޔިތުންނަށް އަވަހަށް ފޯރުކޮށްދިނުމުގެ ހިދުމަތް މުޅި ރާއްޖެއަށް ފުޅާކުރެއްވުމަކީ ރައީސް ޑރ. މުހައްމަދު މުއިއްޒުގެ މުހިންމު ސިޔާސަތަކެވެ. އެމަނިކުފާނުގެ މި ސިޔާސަތުގެ ދަށުން މި ހިދުމަތް މުޅި ރާއްޖެއަށް ފުޅާކުރެއްވުމުގެ މަސައްކަތް އެމަނިކުފާނު ވަނީ މިދިޔަ ނޮވެމްބަރު މަހުގެ 16 ވަނަ ދުވަހު ވަނީ އިފްތިތާހް ކުރައްވައިފައެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0